قازاقستاننىڭ فۋتبولدان جاستار قۇراماسىنىڭ (U21) اعا جاتتىقتىرۋشىسى ۆلاديمير چەبۋرين ەۋرو-2027 ىرىكتەۋىنىڭ قورىتىندى ءۇش ماچىنا دايىندالاتىن 23 ويىنشىنىڭ ءتىزىمىن بەكىتتى، دەپ حابارلايدى infohub.kz سايتى.
قاقپاشىلار قاتارىنا ميراس ريحارد («ەرتىس»)، ساياتحان قۇسايىنوۆ («تۇران») جانە شەرحان قالمىرزا («قايرات») شاقىرىلدى.
قورعانىسقا سۇلتان اسقاروۆ («قايسار»)، سالامات جۇمابەكوۆ («قايسار»)، سانجار انۋاروۆ («استانا»)، رامازان كارىموۆ («ەرتىس»)، ساعي مالىكايدار («ەرتىس»)، ءالي تۇرعانوۆ («ورداباسى»)، سەرگەي يۆانوۆ («التاي») جانە نيكيتا گۋباريەۆ (« قىزىلجار») كىردى.
ورتاڭعى شەپتى ابينۋر نۇرىمبەت («ورداباسى»)، احمەتالي قالتانوۆ («استانا»)، جانسۇلتان مۇحامەتحانوۆ («وقجەتپەس»)، ميراس وماتاي («ەلىماي»)، ولجاس بايبەك («قايرات»)، مۇحامەدالي ءابىش («قايرات») جانە سەيف پوپوۆ («التاي») وكىلدىك ەتەدى.
شابۋىلدا ارتەم ليتوش («شاحتەر»)، يان ترۋفانوۆ («اتىراۋ»)، ماعجان توقتىباي («ورداباسى»)، ماقسات ابرايەۆ («استانا») جانە مانسۇر ءبىرقۇرمانوۆ («قايرات») وينايدى.
ىرىكتەۋ سيكلىنىڭ قورىتىندى كەزدەسۋلەرىنىڭ كۇنتىزبەسى مىناداي: 25 قىركۇيەكتە قازاقستاندىق جاستار قۇراماسى ۆۋلۆەرحەمپتونداعى «مولينيۋ» ستاديونىندا انگليا قۇراماسىمەن كەزدەسەدى. 29 قىركۇيەكتە چەبۋرين شاكىرتتەرى كورك قالاسىنداعى «تەرنەرز كروسس» ارەناسىندا يرلاندياعا قارسى ماچ وتكىزەدى. ىرىكتەۋ 6 قازاندا نيسپورەنادا مولدوۆامەن ويىنمەن اياقتالادى.
ەسكە سالايىق، ناۋرىزدا قازاقستاننىڭ جاستار قۇراماسى تۇركىستاندا ىرىكتەۋدىڭ ەكى ءۇي ماچىن وتكىزگەن بولاتىن. چەبۋرين باسقارعان العاشقى ويىندا كوماندا سلوۆاكيادان 1:3 ەسەبىمەن جەڭىلىپ، الاڭ يەلەرىنىڭ جالعىز گولىن ماعجان توقتىباي سوقتى. ءتورت كۇننەن كەيىن قازاقستان يرلانديادان مينيمالدى ەسەپپەن – 0:1 ۇتىلدى، شەشۋشى دوپ 89-مينۋتتا سوعىلدى. وسى جەڭىلىستەن كەيىن قازاقستاندىق جاستار ەۋرو-2027 فينالدىق كەزەڭىنە شىعۋ مۇمكىندىگىنەن ماتەماتيكالىق تۇرعىدان ايىرىلدى. جەتى ماچتان كەيىن كوماندانىڭ قورجىنىندا ءتورت ۇپاي بار.
جاستار اراسىنداعى ەۋروپا چەمپيوناتىنىڭ فينالدىق ءتۋرنيرى 2027 جىلدىڭ جازىندا البانيا مەن سەربيادا وتەدى.