Comic Con Astana-دا حالىقارالىق كوسپلەي بايقاۋىنىڭ قورىتىندىسى شىعارىلدى. قاتىسۋشىلار ويىندار، فيلمدەر، سەريالدار جانە باسقا دا تانىمال الەمدەردىڭ كەيىپكەرلەرىنە اينالدى. فينالعا 20-دان استام ەلدەن 64 قاتىسۋشى شىقتى، دەپ حابارلايدى infohub.kz سايتى.
بايقاۋدىڭ ءباسپاسوز قىزمەتىنىڭ مالىمەتىنشە، فەستيۆالدىڭ ءبىرىنشى كۇنىندە 16 مىڭنان استام ادام كەلدى — بۇل جوبا تاريحىنداعى العاشقى كۇننىڭ ەڭ جوعارى كورسەتكىشى. ءتورت كۇن ىشىندە Comic Con Astana-عا 76 مىڭنان استام قوناق كەلدى.
باس جۇلدە — 4،5 ميلليون تەڭگە — رەسەيلىك كوسپلەيشى Frau_Haku-عا بۇيىردى. ول «Comic Con Astana 2026 ارەنا چەمپيونى» اتاندى. ونىڭ جەڭىمپاز بەينەسى — Baldur's Gate 3 ويىنىنداعى Reaper's Embrace ساۋىتىنداعى لاەزەل.
ءبىرىنشى ورىن جانە 2،3 ميلليون تەڭگە — The Witcher 3: Wild Hunt ويىنىنداعى ەرەدين برەاكك گلاستىڭ بەينەسىن ۇسىنعان رەسەيلىك كوسپلەيشى Horn-عا بەرىلدى. ەكىنشى ورىن جانە 1،6 ميلليون تەڭگە — Monster Hunter ويىنىنداعى اڭشىنىڭ بەينەسىمەن استانالىق Gol.D.Moon-عا تيەسىلى بولدى. ءۇشىنشى ورىن جانە 1،2 ميلليون تەڭگە — Warhammer 40،000 الەمىندەگى ادەپتۋس استارتەس بەينەسىندە ونەر كورسەتكەن استانالىق «مۋجيسكي دوجد» كومانداسىنا بەرىلدى.
سونداي-اق ارنايى جۇلدەلەر تابىستالدى. «Comic Con Astana سۋپەرقاھارمانى» نوميناسياسىندا استانالىق «تە سامىە» كومانداسى جەڭىسكە جەتىپ، Lies of P ويىنىنداعى «قارا قويان باۋىرلاستىعى» بەينەسى ءۇشىن 1 ميلليون تەڭگە الدى. الماتىلىق وتباسى بابا-ياگا مەن ۆاسيليسا بەينەسىندە كەلىپ، «سۋپەروتباسى» جۇلدەسىنە — 800 مىڭ تەڭگەگە يە بولدى. League of Legends ويىنىنداعى Battle Queens بەينەسىن ۇسىنعان سەربيالىق Baby Sitters كومانداسى Avengers Assemble! نوميناسياسىندا 800 مىڭ تەڭگە ۇتىپ الدى. تەمىرتاۋلىق كوسپلەيشى Staayshia «اشتىق ويىندارىنداعى» كيتنيسس ەۆەردين بەينەسىمەن كورەرمەندەردىڭ تاڭداۋى بويىنشا «Comic Con Astana كراشى» اتالىپ، 600 مىڭ تەڭگە الدى.
تاعى 12 ارنايى نوميناسيادا جەڭىمپازدار 600 مىڭ تەڭگەدەن الدى. جۇلدەلەر تەحنولوگيالىق شەشىمدەر، ەرەكشەلىك، كوستيۋم جاساۋ شەبەرلىگى جانە ساحنالىق كەيىپكەردى سومداۋ ءۇشىن بەرىلدى. بارلىعى جۇلدە قورىنا 20 ميلليون تەڭگە ءبولىندى. كوستيۋمدەرگە قاراپ، قاتىسۋشىلار جاي عانا سۋرەتكە ءتۇسۋ ءۇشىن كەلمەگەنى اڭعارىلادى — كوپشىلىگى ءوز ونەرلەرىن ناعىز شوۋعا اينالدىردى.
بۇعان دەيىن Kursiv LifeStyle «تاك ويىنىنىڭ» دجەيمە لاننيستەر رولىمەن تانىمال دانيالىق اكتەر نيكولاي كوستەر-ۆالداۋ Comic Con Astana 2026 كەزىندە جۋرناليستەرمەن سۇحباتتاسقانىن جازعان بولاتىن. ءارتىس ءباسپاسوز ءماسليحاتىنان ءبىر كۇن بۇرىن كەلىپ، استانانى ارالاپ ۇلگەرگەن.