بوكستان وليمپيادا چەمپيونى دانيار ەلەۋسىنوۆ العاش رەت الكوگولگە تاۋەلدىلىكپەن كۇرەسى تۋرالى اشىق ايتىپ، جانكۇيەرلەرگە ۇندەۋ جاسادى، دەپ حابارلايدى infohub.kz.
سپورتشى Instagram-داعى پاراقشاسىندا وليمپيادا ويىندارىنان كەيىن ىشىمدىككە اۋەستىك پايدا بولعانىن، ونىڭ ۋاقىت وتە كەلە اۋرۋعا اينالعانىن مويىندادى. «ءقازىر ءبارى مەنى سىناپ جاتىر: ماس كۇيىندە جول اپاتىنا ءتۇستىم، تاعى باسقا. ءيا، مويىندايمىن، وليمپيادادان كەيىن الكوگولگە اۋەستىك پايدا بولدى، الكوگوليزمگە بەيىمدىلىك، ىشىمدىككە قۇمارلىق. ونىڭ اۋرۋعا اينالعانىن قالاي بولعانىن بىلمەيمىن. ءبىراق بۇل كۇلەتىن نارسە ەمەس. ءقازىر ادامدار كۇلەدى، ءارتۇرلى ءسوز ايتادى. بۇل ولاردىڭ ءوز باسىنان وتكەنشە تۇسىنبەيدى. مەن دە جاس كەزىمدە كۇلگەنمىن. ءبىراق مۇنداي جاعداي كۇلگەن ادامنىڭ وزىنە دە كەلەدى. مەن كۇرەسىپ جاتىرمىن»، — دەدى ەلەۋسىنوۆ.
ونىڭ ايتۋىنشا، الكوگول ماسەلەسى ول ءۇشىن جاڭا سىناققا اينالدى جانە ول وتانداستارىن ونى ايىپتاماۋعا شاقىردى. «كەيبىر ادامدار ءوز پروبلەمالارى تۋرالى ادال ايتا المايدى. ءقازىر باسقا ۋاقىت — پروبلەمالارىڭ تۋرالى شىنايى ايتۋ كەرەك. بارىمىزدە ءبارى كەرەمەت دەگەن بولمايدى، جۇلدىزداردا دا ءبارى بىردەي ەمەس. ءبىز دە ادامبىز. ەشكىم كەمەل ەمەس. مەنىڭ دە قيىندىقتارىم، پروبلەمالارىم بار. ءبىر اي وڭالتۋ ورتالىعىندا جاتتىم. مىسالى، ۋاقىتشا ۇستاۋ يزولياتورىندا وتىردىم. ءوز كىنامنەن. وعان دەيىن مەن جاقسى جىگىت ەدىم»، — دەپ قوستى بوكسشى.
ەلەۋسىنوۆ ءقازىر ونى «ماسكۇنەم جانە الكوگوليك» دەپ اتايتىنىن، ءبىراق بۇل سوزدەرمەن داۋلاسپايتىنىن دا مويىندادى. «ءيا، سوندا قالاي؟ ماسكۇنەم، الكوگوليك. ءبىراق سوعان قاراماستان مەن وليمپيادا چەمپيونى، الەم چەمپيونى، كاسىپقويلار اراسىندا الەم چەمپيونى بولىپ قالدىم. ءارى قاراي ءوز ءىسىمدى جالعاستىرىپ جاتىرمىن. مەن اقتالىپ جاتقان جوقپىن. مۇمكىن، مەن ەڭ جاقسى ەمەسپىن. مەن گولوۆكيننەن دە، شۇمەنوۆتەن دە، جاقيانوۆتان دا جاقسى ەمەسپىن. مەن جاقسى بولۋعا تىرىسپايمىن. ءيا، بۇرىن جاقسى بولعىم كەلدى، بۇل تۋرالى ايتقانمىن. ءبارى مەنى تاكاپپار دەپ ويلايدى. ءبىراق ولاي ەمەس»، — دەدى دانيار.
ول ەندى ءبارى ويداعىداي بولاتىنىن، مانسابىن جالعاستىرۋ ءۇشىن اقش-قا كەلگەنىن ايتتى. ەلەۋسىنوۆ جانكۇيەرلەردى ونى قولداۋعا شاقىردى.
ەسكە سالايىق، شىلدە ايىنىڭ باسىندا دانيار ەلەۋسىنوۆ تۇتقىندالىپ، جۇرگىزۋشى كۋالىگىنەن ايىرىلعان بولاتىن. ەلوردا پوليسياسى ونىڭ جول اپاتىنان كەيىن ۇستالعان ءساتىن كورسەتەتىن بەينەجازبانى دا جاريالادى. سونىمەن قاتار، شىلدە ايىنىڭ سوڭىندا قاراعاندىدا ەكى جەرگىلىكتى تۇرعىندى ۇرىپ-سوعۋ ءىسى بويىنشا ۇكىم شىعارىلىپ، دانيار ەلەۋسىنوۆتىڭ ايەلى كىنالى دەپ تانىلدى.