قازاقستاندا دارى-دارمەك قۇنىنا باقىلاۋ كۇشەيتىلدى. تەك 2026 جىلدىڭ شىلدەسىندە 589 اتاۋىم بويىنشا باعا تومەندەدى. فارمباقىلاۋ كوميتەتىندە دارىلەردىڭ شەكتى باعاسىن قالاي تەكسەرۋگە جانە ءدارىحانالارداعى قىمباتشىلىققا قايدا شاعىمدانۋعا بولاتىنىن ايتتى، دەپ حابارلايدى infohub.kz سايتى.
كوميتەتتىڭ مالىمەتىنشە، شىلدەدە 2،5 مىڭنان استام پرەپاراتتىڭ قۇنى تالدانعان. 1 267 پوزيسيا بويىنشا باعا وزگەرمەسە، 589 دارىلىك زاتتىڭ قۇنى تومەندەگەن.
ۆەدومستۆو بۇل پروسەستە سيفرلاندىرۋدىڭ ماڭىزى زور ەكەنىن اتاپ ءوتتى، سەبەبى تاڭبالاۋ جۇيەسى ءدارىنىڭ وندىرۋشىدەن ءدارىحاناعا جانە سوڭعى تۇتىنۋشىعا دەيىنگى تولىق جولىن قاداعالاۋعا مۇمكىندىك بەرەدى.
فارمباقىلاۋ كوميتەتى ءدارى قۇنىن تەكسەرۋ ءۇشىن NAQTY ONIM سيفرلىق سەرۆيسىن پايدالانۋعا بولاتىنىن ەسكە سالدى. قوسىمشاعا كىرىپ، 2024 جىلدىڭ 1 شىلدەسىنەن كەيىن وندىرىلگەن پرەپاراتتىڭ قاپتاماسىنداعى Data Matrix كودىن سكانەرلەۋ كەرەك. وسىدان كەيىن ادامعا ءدارى، ءوندىرۋشى، تاڭبالاۋ جانە ونىڭ جەتكىزۋ تىزبەگى بويىنشا قوزعالىسى تۋرالى بارلىق اقپارات قولجەتىمدى بولادى.
سونىمەن قاتار، سەرۆيس بەلگىلەنگەن شەكتى بولشەك باعانى تەكسەرىپ، ونى ءدارىحاناداعى پرەپارات قۇنىمەن سالىستىرۋعا مۇمكىندىك بەرەدى.
«قانداي دا ءبىر بۇزۋشىلىق انىقتالعان جاعدايدا، اقپاراتتى ۋاكىلەتتى ورگانداردىڭ قاراۋىنا جىبەرۋگە بولادى»، – دەلىنگەن حابارلامادا.
دارىگە ارتىق تولەمەۋ ءۇشىن قازاقستاندىقتارعا مىنالار ۇسىنىلادى:
دارىلەردى تەك ليسەنزياسى بار ءدارىحانالاردان ساتىپ الۋ؛
رەتتەلەتىن دارىلەردىڭ شەكتى بولشەك باعاسىن تەكسەرۋ؛
بىردەي پرەپاراتتىڭ قۇنىن ءارتۇرلى ءدارىحانالاردا سالىستىرۋ؛
قولجەتىمدىرەك گەنەريكالىق انالوگتاردىڭ بار-جوعىن سۇراۋ؛
تۇبىرتەكتەردى ساقتاۋ؛
باعانىڭ جوعارىلاعانى انىقتالسا، فارمباقىلاۋ كوميتەتىنىڭ اۋماقتىق دەپارتامەنتتەرىنە حابارلاسۋ.
بۇعان دەيىن «كۋرسيۆ» «سك-فارماسيا» تەگىن ءدارى الۋشىلار ءۇشىن Telegram جانە WhatsApp-تا جاڭا سەرۆيس ىسكە قوسقانىن جازعان.