قازاقستان قۇراماسى مەن اعىلشىندىق «بەرنلي» كلۋبىنىڭ شابۋىلشىسى داستان ساتپايەۆ جاراقاتىنا بايلانىستى بىرنەشە اپتاعا شىعادى، دەپ حابارلايدى infohub.kz.
2 قىركۇيەكتە 18 جاستاعى فۋتبولشى «ميدلسبروعا» قارسى ويىندا (1:1) الاڭنان اۋىستىرىلدى جانە تىزە استى ءسىڭىرىن ۇستاپ، اقساڭداپ كەتتى. سوڭعى «بريستول سيتيگە» قارسى ويىنعا (1:2) ول وتىنىمگە ەنبەدى. ماچتان كەيىن «بەرنلي» باس باپكەرى نيكي حايەن ساتپاەۆتىڭ جاعدايى تۋرالى مالىمدەدى.
«وكىنىشكە قاراي، ول بىرنەشە اپتاعا شىعادى. بۇل — بەلگىلەردىڭ ءبىرى. مەن ايتقانداي، ونىڭ ماۋسىم الدىنداعى دايىندىعى تولىققاندى بولمادى. ءبىز ويىنشىلارعا جۇكتەمە بەرۋگە تىرىسامىز، سونىمەن بىرگە ولاردى قورعايمىز. وسى دۇرىس تەپە-تەڭدىكتى تابۋ كەرەك»، — دەدى حايەن.
وسىلايشا، ساتپايەۆ قازاقستان قۇراماسىنىڭ ۇلتتار ليگاسىنداعى العاشقى ءتورت ويىنىن جىبەرىپ الۋى ابدەن مۇمكىن. بۇل ويىندار 26 قىركۇيەك پەن 6 قازان ارالىعىندا وتەدى. ۇلتتىق قۇرامانىڭ تۇپكىلىكتى قۇرامى بىرنەشە كۇننەن كەيىن جاريالانادى.
شابۋىلشى جازدا لوندوندىق «چەلسيگە» اۋىسىپ، ماۋسىم الدىنداعى دايىندىقتى سوندا وتكىزدى. سودان كەيىن ول ءبىر جىلدىق جالداۋ نەگىزىندە «بەرنليگە» جىبەرىلدى.