جاپونيادا ءوتىپ جاتقان ازيادا-2026 ويىندارىندا قازاقستاندىق ترياتلونشى ديانا ەرجانوۆا ايەلدەر اراسىنداعى جەكە سايىستا 17-ورىنعا تۇراقتادى، دەپ حابارلايدى infohub.kz سايتى.
ەرجانوۆا قاشىقتىقتى 1 ساعات 4 مينۋت 13 سەكۋندتا ءجۇزىپ ءوتتى. جەڭىمپازدان قازاقستاندىق سپورتشى 6 مينۋت 36 سەكۋندقا قالىپ قالدى.
التىن مەدالدى 57 مينۋت 37 سەكۋند ناتيجەسىمەن قىتايلىق لين سينيۋ جەڭىپ الدى. ەكىنشى ورىندى ونىڭ وتانداسى حۋان انسي يەلەندى – 57:58. قولانى جاپونيالىق مانامي حاياسي الدى – 58:36.
ازيادا-2026
20 قىركۇيەك. ترياتلون. ايەلدەر
🥇 1. لين سينيۋ (جۇڭگو) – 57:37
🥈 2. حۋان انسي (جۇڭگو) – 57:58
🥉 3. مانامي حاياسي (جاپونيا) – 58:36
…17. ديانا ەرجانوۆا (قازاقستان) – 1:04.13
ايەلدەر اراسىنداعى جەكە ترياتلون گاماگوريدە ءوتتى. سپورتشىلار 750 م ءجۇزۋ، شامامەن 20 كم ۆەلوسيپەد تەبۋ جانە 5 كم جۇگىرۋ قاشىقتىقتارىن باعىندىرۋى ءتيىس بولدى. جارىسقا 29 قاتىسۋشى مالىمدەلدى.
بۇعان دەيىن ەرلەر ترياتلونىندا ارلان جاناباي قازاقستانعا ازيادا-2026 ويىندارىنداعى العاشقى مەدالىن اكەلدى. ەكىنشى قازاقستاندىق ايان بەيسەنبايەۆ توعىزىنشى ورىندى يەلەندى.
كەيىنىرەك ۆەلوسيپەدشى ريناتا سۋلتانوۆا ويىنداردا قازاقستاننىڭ العاشقى التىنىن جەڭىپ الدى. ول جەكەلەي بولەك ستارتتىق جارىستا 36 مينۋت 23،72 سەكۋند ناتيجەسىمەن جەڭىسكە جەتتى.
جاپونياداعى XX جازعى ازيا ويىندارى كەشە، 19 قىركۇيەكتە رەسمي تۇردە اشىلدى. 45 ەلدىڭ سپورتشىلارى قاتىساتىن كەشەندى جارىستاردا 460 مەدال جيىنتىعى ساراپقا سالىنادى. ونىڭ 217ء-سى – ەرلەر، 204ء-ى – ايەلدەر جانە 39-ى – ارالاس رازريادتار اراسىندا. تۋرنيرلەر 41 سپورت ءتۇرىنىڭ 68 ديسيپليناسىندا وتەدى. ازيادا-2026 ويىندارىندا قازاقستان قۇراماسىنىڭ ساپىندا 559 سپورتشى ونەر كورسەتەدى.