استانادا دۋنگا مۇناي-گاز كەن ورنى بويىنشا جىلدارعا سوزىلعان داۋ رەسمي تۇردە رەتتەلدى — ءتيىستى كەلىسىمگە قازاقستان رەسپۋبليكاسىنىڭ ەنەرگەتيكا مينيسترلىگىندە قول قويىلدى، دەپ حابارلايدى infohub.kz سايتى.
مينيسترلىكتىڭ ءباسپاسوز قىزمەتىنىڭ مالىمەتىنشە، دۋنگا كەن ورنى بويىنشا ءونىمدى ءبولۋ تۋرالى كەلىسىمدەگى (وبك) داۋلى ماسەلەلەردى رەتتەۋ جونىندەگى قۇجاتقا ق ر ەنەرگەتيكا ءمينيسترى ەرلان اقكەنجەنوۆ پەن وپەراتور كومپانيا — Dunga Operating GmbH-تىڭ باس ديرەكتورى نۇرجان ءابدىراحمانوۆ قول قويدى. قول قويۋ راسىمىنە «PSA» ج ش س جانە «قازمۇنايگاز» ۇك» اق ۋاكىلەتتى ورگانىنىڭ وكىلدەرى قاتىستى.
ءارى قاراي كەلىسىم كونسورسيۋمنىڭ شەتەلدىك سەرىكتەستەرى — Oman Oil Company Limited جانە PTTEP Corporation كومپانيالارىنا قول قويۋعا جىبەرىلەدى.
«قول قويىلعان كەلىسىم تاراپتاردىڭ كونتراكتوردىڭ جەكەلەگەن تاريحي شىعىندارىن وتەۋگە قاتىستى كوپجىلدىق كەلىسپەۋشىلىكتەرىنە تۇپكىلىكتى نۇكتە قويادى. قول جەتكىزىلگەن ۋاعدالاستىقتار قازاقستاننىڭ پايداسىنا كەلىسىلگەن قارجىلىق وتەماقى تولەۋدى، سونداي-اق اكتيۆتى يگەرۋگە اۋقىمدى ينۆەستيسيالاردى جالعاستىرۋعا جاعداي جاساۋدى كوزدەيدى»، — دەپ اتاپ ءوتتى مينيسترلىكتە.
داۋدىڭ رەتتەلۋى كەن ورنىن يگەرۋدىڭ 2026–2039 جىلدارعا ارنالعان جاڭا جوسپارىن ءىس جۇزىندە جۇزەگە اسىرۋعا مۇمكىندىك بەرەتىنى اتاپ ءوتىلدى. قۇجات 67،4 ملن باررەل مۇناي ءوندىرۋدى جانە اۋقىمدى كۇردەلى جانە وپەراسيالىق ينۆەستيسيالاردى تارتۋدى كوزدەيدى.
«دۋنگا كەن ورنى جوعارى الەۋەتكە يە جانە ەلدىڭ ەنەرگەتيكا سالاسى ءۇشىن ستراتەگيالىق ماڭىزى زور. جوبانىڭ دامۋىنا ۇزاق ۋاقىت بويى وتەلمەيتىن شىعىستارعا قاتىستى جيناقتالعان داۋلى ماسەلەلەر كەدەرگى كەلتىردى. قول جەتكىزىلگەن ۋاعدالاستىقتار ۇزاق سوت راسىمدەرىنسىز مەملەكەتتىڭ ەكونوميكالىق مۇددەلەرىن قورعاۋعا مۇمكىندىك بەرىپ، جاڭا ينۆەستيسيالىق سيكلگە جول اشادى. كەلىسىمگە قول قويۋ جەر قويناۋىن ۇتىمدى ءارى ۇزاق مەرزىمدى يگەرۋدىڭ نەگىزى بولىپ، ەكونوميكامىزعا ايتارلىقتاي پايدا اكەلەدى»، — دەپ اتاپ ءوتتى ق ر ەنەرگەتيكا ءمينيسترى ەرلان اقكەنجەنوۆ.