«باعالى قاعازداردىڭ ورتالىق دەپوزيتاريى» (KCSD) باسقارما ءتوراعاسى ەدىل مەدەۋ 2026 جىلعى 1 قىركۇيەكتەن باستاپ كومپانياداعى جۇمىسىن اياقتايدى. ول دەپوزيتاري باسقارماسى قۇرامىندا بەس جىلدان استام قىزمەت ەتتى، دەپ حابارلايدى infohub.kz سايتى.
مەدەۋ KCSD-گە 2021 جىلدىڭ ماۋسىمىندا باسقارما ءتوراعاسىنىڭ ورىنباسارى بولىپ كەلگەن ەدى. ول ستراتەگيا، بيزنەستى دامىتۋ، دەپوزيتارلىق قىزمەت، تاۋەكەلدەردى باسقارۋ، حالىقارالىق ىنتىماقتاستىق جانە كوممۋنيكاسيالار باعىتتارىن قاداعالادى. 2025 جىلدىڭ ناۋرىزىندا قارجى ينستيتۋتىن باسقاردى.
KCSD-گە كەلگەنگە دەيىن توپ-مەنەدجەر قارجى سەكتورىندا 17 جىل تاجىريبە جيناقتاپ، قارجى نارىعىن رەتتەۋ جانە قاداعالاۋ اگەنتتىگىندە، ۇلتتىق بانكتىڭ قارجىلىق قاداعالاۋ كوميتەتىندە، ق ر ۇلتتىق بانكىندە جانە قارجى نارىعىن رەتتەۋ جانە دامىتۋ اگەنتتىگىندە جۇمىس ىستەگەن.
مەدەۋدىڭ باسشىلىعىمەن دەپوزيتاري رەكوردتىق كورسەتكىشتەرگە قول جەتكىزدى. 2025 جىلدىڭ قورىتىندىسى بويىنشا KCSDء-نىڭ تازا پايداسى العاش رەت 2 ملرد تەڭگەدەن استى، رەنتابەلدىلىك شامامەن 20% بولدى.
2026 جىلدىڭ ءبىرىنشى جارتىجىلدىعىنىڭ سوڭىندا 2025 جىلدىڭ باسىمەن سالىستىرعاندا قىزمەت كورسەتىلەتىن جەرگىلىكتى قۇرالدار كولەمى مەملەكەتتىك اكسيالار پاكەتتەرىن ەسەپتەمەگەندە 45%-عا، ال شەتەلدىكتەر 16%-عا ءوستى. KCSD جۇيەسىندەگى بروكەرلىك شوتتار سانى 5،6 ملن-عا جەتتى.
2022 جىلدىڭ باسىنان باستاپ قىزمەت كورسەتىلەتىن شەتەلدىك باعالى قاعازدار شىعارىلىمدارىنىڭ سانى 367%-عا – 1 584 بىرلىككە دەيىن، ال كليەنتتىك بازاداعى قارجى ۇيىمدارىنىڭ سانى 141%-عا – 11 ەلدەن 128 كومپانياعا دەيىن ءوستى. رەزەدەنت ەمەستەر مەن احقو قاتىسۋشىلارىنىڭ ۇلەسى 62%-دان استى، دەپ ءبولىستى كومپانيادا.
وسى كەزەڭدە KCSD اقش، پارسى شىعاناعى ەلدەرى، تۇركيا، ءازىربايجان، ارمەنيا جانە تاجىكستاننىڭ جاھاندىق بانكتەرى مەن دەپوزيتاريلەرىمەن تىكەلەي مەجدەپوزيتارلىق جانە كوررەسپوندەنتتىك بايلانىستار ورناتتى.
«KCSD-دەگى جۇمىس مەن ءۇشىن ماڭىزدى كاسىبي كەزەڭ بولدى. بەس جىل ىشىندە كوماندامەن بىرگە قازاقستاندىق كاپيتال نارىعىنىڭ مۇمكىندىكتەرىن كەڭەيتىپ، حالىقارالىق بايلانىستار مەن ورتالىق دەپوزيتاريدىڭ ايماقتىق ءرولىن نىعايتقان جوبالاردى جۇزەگە اسىردىق»، – دەدى مەدەۋ.
باعالى قاعازداردىڭ ورتالىق دەپوزيتاريى – باعالى قاعازداردى ەلەكتروندى تۇردە ساقتايتىن جانە ولاردىڭ كىمگە تيەسىلى ەكەنىن ەسەپكە الاتىن باستى قارجى ۇيىمى.
قاراپايىم تىلمەن ايتقاندا، بۇل اكسيالار، وبليگاسيالار جانە باسقا دا اكتيۆتەر ءۇشىن سەنىمدى بانك. بيرجادا باعالى قاعاز ساتىپ العاندا، ونىڭ سىزدىكى ەكەندىگى تۋرالى جازبا ءدال ورتالىق دەپوزيتاريدە پايدا بولادى.
بۇعان دەيىن «كۋرسيۆ» قازاقستاندىقتاردىڭ باعالى قاعازدارمەن جاسايتىن مامىلەلەرى باقىلاۋعا الىناتىنىن جازعان ەدى.