قازاقستاندا پرجەۆالسكي جىلقىسىنىڭ سيرەك كەزدەسەتىن پوپۋلياسياسى تولىقتى: ەكىنشى ق ۇلىن دۇنيەگە كەلدى، دەپ حابارلايدى infohub.kz.
ەكولوگيا جانە تابيعي رەسۋرستار مينيسترلىگىنىڭ مالىمەتىنشە، ەكىنشى ق ۇلىن حالىقارالىق رەينترودۋكسيا باعدارلاماسى اياسىندا ەلگە اكەلىنگەن ۋمبرا ەسىمدى بيەدەن تۋدى. ءقازىر اناسى مەن ق ۇلىنى بىرگە، ماماندار ولاردىڭ جاعدايى مەن مىنەز-قۇلقىن مۇقيات باقىلاپ وتىر.
ۆەدومستۆونىڭ ايتۋىنشا، ەكىنشى ق ۇلىننىڭ پايدا بولۋى — قازاقستانعا اكەلىنگەن پرجەۆالسكي جىلقىلارىنىڭ دالا جاعدايىنا ءساتتى بەيىمدەلىپ، تابيعي جولمەن كوبەيە باستاعانىن كورسەتەدى. باعدارلامانىڭ باستى ماقساتى — تابيعي ورتادا وزدىگىنەن تىرشىلىك ەتىپ، كوبەيە الاتىن تۇراقتى پوپۋلياسيا قالىپتاستىرۋ.
ەسكە سالايىق، پرجەۆالسكي جىلقىلارىن (كەرتاعى) قازاقستانعا قايتارۋ 2024 جىلى ەۋروپادان جەتى جانۋار اكەلىنگەن كەزدە باستالدى. 2025 جىلى تاعى جەتى، ال 2026 جىلى سەگىز جىلقى اكەلىندى.
پرجەۆالسكي جىلقىسى — ەۋرازياداعى جابايى جىلقىلاردىڭ سوڭعى ساقتالعان ءتۇرى. حح عاسىردا ول تابيعاتتا جويىلىپ كەتتى، ءبىراق حايۋاناتتار باعىندا ءوسىرۋ ارقىلى ءتۇردى ساقتاپ قالۋعا مۇمكىندىك تۋدى. كەيىن بۇل جىلقىلاردى تاريحي مەكەندەرىنە قايتارا باستادى، ال قازاقستان وسىنداي جۇمىس جۇرگىزىلىپ جاتقان ەلدەردىڭ بىرىنە اينالدى.
پرجەۆالسكي جىلقىسىنىڭ العاشقى ق ۇلىنى 22 تامىزدا «التىن دالا» مەملەكەتتىك تابيعي رەزەرۆاتى اۋماعىنداعى «اليبي» رەينترودۋكسيا ورتالىعىندا دۇنيەگە كەلگەن ەدى.