«اڭساعان ءسابي» مەملەكەتتىك باعدارلاماسى اياسىندا تەگىن كۆوتامەن جاسالعان ەكستراكورپورالدىق ۇرىقتاندىرۋدىڭ ارقاسىندا قازاقستاندا 15 مىڭعا جۋىق بالا دۇنيەگە كەلدى. بۇل تۋرالى infohub.kz سايتى حابارلايدى.
الماتى قالاسىنىڭ بالا قۇقىقتارىن قورعاۋ باسقارماسىنىڭ مالىمەتىنشە، سۇرانىستىڭ جوعارىلىعىنا بايلانىستى مەملەكەت جىل سايىنعى كۆوتا سانىن كوبەيتتى — ءقازىر جىلىنا 7 مىڭعا دەيىن ەكو كۆوتاسى بولىنەدى.
ۆەدومستۆو كوپتەگەن وتباسى ءۇشىن بۇل — اتا-انا اتانۋدىڭ جالعىز مۇمكىندىگى ەكەنىن اتاپ ءوتتى، سەبەبى قىمبات پروسەدۋرانى مەملەكەت تولىعىمەن تولەيدى.
تاعى ءبىر ماڭىزدى جاڭالىق — بولاشاق انالارعا ارنالعان «ءبىر كۇندىك كلينيكا» ىسكە قوسىلدى. وسى فورماتتا كابينەتتەردى ارالاپ اۋرە بولماي، العاشقى كەشەندى سكرينينگتەن 66 مىڭنان استام جۇكتى ايەل ءوتتى.
«ءبىر كۇندىك كلينيكا» فورماتى جۇكتى ايەلدەردى قىسقا مەرزىمدە كەشەندى تەكسەرۋدەن وتكىزۋگە، اسقىنۋ ءقاۋپىن ازايتۋعا جانە پاتولوگيالاردى ەرتە كەزەڭدە انىقتاۋعا مۇمكىندىك بەرەدى»، — دەلىنگەن حابارلامادا.
«اڭساعان ءسابي» باعدارلاماسى قازاقستاندا 2021 جىلدىڭ قاڭتارىندا پرەزيدەنت قاسىم-جومارت توقاەۆتىڭ تاپسىرماسىمەن باستالدى. باعدارلاما اياسىندا ەكو كۆوتاسىنىڭ سانى جەتى ەسەگە ارتتى. ونى جۇزەگە اسىرۋ ءۇشىن دەنساۋلىق ساقتاۋ مينيسترلىگى ەلدىڭ جەتەكشى بەيىندى ماماندارىن تارتىپ، جۇمىس توبىن قۇردى.
ەسكە سالايىق، ەكو-عا جولداما الۋ ءۇشىن تىركەلگەن جەردەگى ەمحاناعا بارىپ، تەكسەرۋدەن ءوتىپ، بەلگىلى ءبىر تالداۋلاردى تاپسىرۋ قاجەت. بەدەۋلىك دياگنوزى قويىلعان سوڭ ارنايى كوميسسيا ەكستراكورپورالدىق ۇرىقتاندىرۋ پروسەدۋراسىنا جولداما بەرەدى.