جاپونيا قابىلدايتىن 2026 جىلعى جازعى ازيا ويىندارىندا قازاقستان قۇراماسىنىڭ تۋىن دزيۋدوشى ەلدوس سمەتوۆ پەن ۇستەل تەننيسىنەن سارۆينوز ميركاديروۆا ۇستايدى. بۇل تۋرالى سپورتتى دامىتۋ ديرەكسياسىنىڭ ءباسپاسوز قىزمەتىنىڭ جەتەكشىسى ايان تولەگەن حابارلادى، دەپ جازادى infohub.kz سايتى.
قازاقستاندىق سپورتشىلارعا مەملەكەتتىك تۋلى تۋريزم جانە سپورت ءمينيسترى ەربول مىرزابوسىنوۆ تابىس ەتتى. ۇلتتىق قۇرامانى سالتاناتتى تۇردە شىعارىپ سالۋ ءراسىمى استانادا ءوتتى. الايدا كوپتەگەن قازاقستاندىق سپورتشى ازيادانى وتكىزىپ جاتقان جاپونيادا ءقازىردىڭ وزىندە ءجۇر.
ەلدوس سمەتوۆ — ەلىمىز تاريحىنداعى ەڭ اتاقتى دزيۋدوشى. ونىڭ قورجىنىندا وليمپيادالىق ناگرادالاردىڭ تولىق جيىنتىعى بار: پاريج-2024 التىنى، ريو-2016 كۇمىسى جانە توكيو-2020 قولاسى. 2014 جىلى سپورتشى ينچحونداعى ازيا ويىندارىنىڭ جەڭىمپازى اتاندى. الداعى تۋرنيردە 34 جاستاعى سمەتوۆ 60 كەلىگە دەيىنگى سالماق دارەجەسىندە سىنعا تۇسەدى.
سارۆينوز ميركاديروۆا 21 جاستا. ول قازاقستاننىڭ ۇستەل تەننيسىنەن قۇراماسىنىڭ كوشباسشىلارىنىڭ قاتارىندا جانە حالىقارالىق تۋرنيرلەردىڭ جەڭىمپازى ءارى جۇلدەگەرى.
ازيادا-2026 اشىلۋ سالتاناتى 19 قىركۇيەكتە وتەدى. جارىستار 4 قازانعا دەيىن جالعاسادى. قاتىسۋشىلار بارلىعى 469 مەدال جيىنتىعىن ساراپقا سالادى.