Tengrinews.kz / تۋرار كازانگاپوۆ
ەندى وفيسەرلەر دەكرەتتە قىزمەتتەن جالتارمايدى: قورعانىس مينيسترلىگى ەرەجەلەردى وزگەرتتى
ەندى قازاقستاندا اسكەري كافەدرانى بىتىرگەننەن كەيىن ەكى جىلعا شاقىرىلعان زاپاستاعى وفيسەرلەر ءۇشىن قىزمەت وتكەرۋ ەرەجەلەرى وزگەرەدى. بۇل تۋرالى قورعانىس مينيسترلىگىنىڭ ورىنباسارى اسقار مۇستابەكوۆ مالىمدەدى.
پارلامەنت وتىرىسىندا مۇستابەكوۆ سوڭعى جىلدارى اسكەرگە شاقىرىلعانداردىڭ اراسىندا دەكرەتتىك دەمالىسقا شىعاتىندار سانىنىڭ كوبەيگەنىن ايتتى. ولار ادەتتە ەكى جىلدىق قىزمەت مەرزىمى اياقتالماي جاتىپ، دەكرەتكە كەتىپ، قىزمەتتى تولىق اتقارماي قالادى ەكەن.
بۇل جاعداي اسىرەسە اسكەري كافەدرانى بىتىرگەن ەر ازاماتتارعا قاتىستى. ولار 24 ايلىق قىزمەت مەرزىمىنە شاقىرىلادى، ءبىراق كەيىننەن دەكرەتتىك دەمالىسقا شىعۋعا ءوتىنىش بەرەدى.
دەكرەتتىك دەمالىسقا شىعاتىندار سانى ارتتى
قورعانىس مينيسترلىگىنىڭ دەرەگىنشە، مۇنداي مۇمكىندىكتى پايدالانعاندار سانى جىلدان-جىلعا ءوسىپ كەلەدى:
ۆيسە-مينيستردىڭ ايتۋىنشا، بۇرىن وفيسەر ەكى اي قىزمەت ەتىپ، دەكرەتكە شىعىپ، كەيىن ەكى جىلدىق مەرزىم تولعان سوڭ قىزمەتىن وتەدى دەپ سانالعان. جاڭا ەرەجە بويىنشا، دەكرەتتىك دەمالىس كەزىندە قىزمەت مەرزىمى توقتاتىلا تۇرادى. دەمالىستان ورالعان سوڭ، وفيسەر قالعان مەرزىمىن تولىق وتەۋى ءتيىس بولادى.
مىسالى، ەگەر وفيسەر 24 ايلىق قىزمەت مەرزىمىنىڭ التى ايىن وتكەرىپ، دەكرەتكە كەتسە، ورالعاننان كەيىن قالعان 18 ايدى مىندەتتى تۇردە وتەۋى قاجەت.
بۇل وزگەرىستەر زاڭ كۇشىنە ەنگەننەن كەيىنگى جاڭا جاعدايلارعا عانا قولدانىلادى.
-
دەپۋتاتى گورودسكوگو ماسليحاتا ۋرالسكا وتكلونيلي پرەدلوجەنيە اكيماتا و پوۆىشەنيي تاريفوۆ نا پروەزد ي ۆىۆوز مۋسورا يز-زا نەدوستاتكا ينفورماسيي.
-
Kazakhstan's Ministry of Defense has updated regulations for reserve officers، ensuring completion of their service term even after taking parental leave.
