امەريكالىق بوكسشى ەندي رۋيس-كىشى اقش-تاعى تۋرنيردە پولياك دەميان كنىبادان ۇپايمەن جەڭىلىپ قالدى، دەپ حابارلايدى infohub.kz.
اۋىر سالماقتاعى (90،7 كگ-نان جوعارى) جەكپە-جەك نيۋاركتاعى شوۋدىڭ باستى وقيعاسى بولىپ، بارلىق 12 راۋندقا سوزىلدى. جەتىنشى راۋندتا كنىبا قارسىلاسىن نوكداۋنعا جىبەردى، الايدا رۋيس جەكپە-جەكتى جالعاستىرا الدى.
ناتيجەسىندە پولياك تورەشىلەردىڭ ءبىراۋىزدان شەشىمىمەن جەڭىسكە جەتتى — 114:113، 117:110، 114:113. وسىلايشا، كنىبا قاڭتاردا نەمىس اگيت كابايەلدەن جەڭىلگەن مانسابىنداعى العاشقى جەڭىلىسىن جۋىپ شىقتى. 30 جاستاعى سپورتشىنىڭ ەنشىسىندە ءقازىر 18 جەڭىس (11 — نوكاۋتپەن).
رۋيس-كىشى ءۇشىن بۇل جەكپە-جەك ەكى جىلداعى العاشقىسى بولدى جانە ول كاسىبي رينگتە ءۇشىنشى رەت جەڭىلدى. بۇعان دەيىن ول جاڭا زەلانديالىق دجوزەف پاركەر مەن بريتاندىق ەنتوني دجوشۋادان ۇپايمەن ۇتىلعان ەدى.
36 جاستاعى امەريكالىقتىڭ اكتيۆىندە 35 جەڭىس (22 — نوكاۋتپەن) جانە ءبىر تەڭ ويىن قالدى. 2019 جىلى ول WBA، IBF، WBO جانە IBO نۇسقالارى بويىنشا الەم چەمپيونى اتانعان.