ارالاس جەكپە-جەك شەبەرى ءفودور ەمەليانەنكو قايتا ورالۋعا دايىن ەكەنىن مالىمدەپ، كىممەن جۇدىرىقتاسقىسى كەلەتىنىن اتادى، دەپ حابارلايدى infohub.kz سايتى.
MMAjunkie مالىمەتىنشە، «سوڭعى يمپەراتور» مۇمكىن بولاتىن قايتا ورالۋى ءۇشىن وزىنەن كەم تۇسپەيتىن اڭىز — اۋىر سالماقتاعى ابسوليۋتتىك جەكپە-جەك چەمپيوناتىنىڭ (UFC) بۇرىنعى چەمپيونى امەريكالىق رەندي كۋتيۋردى تاڭداعان.
«مەن ءوز كومانداممەن جاتتىعۋدى جالعاستىرىپ ءجۇرمىن. كوماندامدى جاتتىقتىرامىن، سوندىقتان جاتتىعۋدى توقتاتقان جوقپىن. جارىسقا كەلەر بولساق، ەگەر جاقسى ۇسىنىس ءتۇسىپ، ونىڭ ءمانى بولسا — نەگە بولماسقا؟ مەن ءالى دە جۇدىرىقتاسا الامىن»، — دەدى ءفودور.
ەمەليانەنكو ءقازىر بوكسقا قىزىعۋشىلىعى بارىن اتاپ ءوتتى.
«ءبىز بوكسپەن اينالىستىق، سوندىقتان بوكس ماعان قىزىق. مەنىڭشە، رەندي الدەقايدا قىزىقتى قارسىلاس بولار ەدى. مەن دايىنمىن، ەگەر ول دا دايىن بولسا»، — دەدى مما اڭىزى.
ءفودور سوڭعى رەت وكتاگونعا 2023 جىلدىڭ اقپانىندا شىعىپ، اۋىر سالماقتاعى تيتۋلدىق جەكپە-جەكتە رايان بەيدەردەن جەڭىلىس تاپقان بولاتىن. ول كەزدەسۋ Bellator ليگاسىندا وتكەن، الايدا ول ءقازىر باسقا پروموۋشەنمەن بىرىگىپ، ەندى جوق.
ايتا كەتەيىك، بيىلعى جىلدىڭ باسىندا رەسەيلىك ارالاس جەكپە-جەك شەبەرى ءفودور ەمەليانەنكو سامبودان رەسەيدىڭ ەڭبەك سىڭىرگەن جاتتىقتىرۋشىسى اتاندى.