ءفيليپپيننىڭ باتىسىنداعى پالاۆان ارالىنىڭ جاعالاۋىندا سارسەنبى ءتۇنى جولاۋشىلار پارومى ورتەنىپ، كەمىندە بەس ادام قازا تاپتى، 80-نەن استامى ءىز-تۇزسىز جوعالدى. بۇل تۋرالى فيليپپين جاعالاۋ كۇزەتى مالىمدەدى، دەپ جازادى infohub.kz سايتى.
جاعالاۋ كۇزەتىنىڭ دەرەگىنشە، پالاۆانداعى كورون سۋلارىندا «MV June Aster» كەمەسىنەن 43 ادام قۇتقارىلدى. تاراعان بەينەجازبالاردا كەمەنىڭ ءبىر بولىگىن جالىن شارپىعانى جانە قۇتقارۋشىلاردىڭ قازا تاپقانداردى قارا قاپقا سالىپ جاتقانى كورىنەدى.
جاعالاۋ كۇزەتىنىڭ وكىلى، كوممودور نوەمي كاياباب DZXL راديوسىنا كەمە تىزىمىندە 117 جولاۋشى مەن 17 ەكيپاج مۇشەسى بولعانىن ايتتى.
امان قالعاندار مەن قازا تاپقاندار سانىنا قاراعاندا، 80-نەن استام ادامنىڭ تاعدىرى ءالى بەلگىسىز. كايابابتىڭ ايتۋىنشا، قۇتقارۋ جۇمىستارى جالعاسىپ جاتقاندىقتان، بۇل دەرەكتەر وزگەرۋى مۇمكىن.
پاروم مانيلاداعى باسەكو ايلاعىنان شىعىپ، كورونعا بەت العان. ءورتتىڭ سەبەبى تەرگەلىپ جاتىر.