110 جاسقا تولعان ادامداردا زاقىمدالعان قۇرىلىمداردى جويۋعا قابىلەتتى ەرەكشە يممۋندىق جاسۋشالار بولادى، دەپ حابارلايدى infohub.kz.
وساكا ۋنيۆەرسيتەتىنىڭ زەرتتەۋشىلەرى ۇزاق جاساۋشىلاردا CD4 سيتوتوكسيكالىق ت-ليمفوسيتتەرى دەپ اتالاتىن ەرەكشە جاسۋشالاردىڭ دەڭگەيى جوعارى ەكەنىن انىقتادى. بۇعان دەيىن جاسپەن بىرگە ادامنىڭ يممۋنيتەتى بىرتە-بىرتە السىرەيدى دەپ ەسەپتەلىنەتىن. الايدا جاڭا دەرەكتەر ۇزاق جاساۋشىلاردىڭ قورعانىس جۇيەسى پايدا بولاتىن قاۋىپتەرگە بەلسەندى بەيىمدەلىپ، ءقاۋىپتى پاتولوگيالاردىڭ دامۋىنا جول بەرمەيتىنىن كورسەتىپ وتىر.
عىلىمي ەكسپەريمەنت بارىسىندا ماماندار ءارتۇرلى جاستاعى 28 قاتىسۋشىنىڭ قان ۇلگىلەرىن تالدادى. ناتيجەلەر سيتوتوكسيكالىق جاسۋشالاردىڭ ۇلەسى 100 جاستان كەيىن ايتارلىقتاي ارتاتىنىن كورسەتتى. 70 پەن 99 جاس ارالىعىنداعى ادامداردا بۇل كورسەتكىش شامامەن 4% بولسا، 110 جاستان اسقان ۇزاق جاساۋشىلاردا ورتا ەسەپپەن 17،6%-عا جەتكەن.
عالىمدار ۇزاق جاساۋشىلاردىڭ يممۋندىق جۇيەسى سوزىلمالى قاۋىپتەرمەن كۇرەسۋ ءۇشىن ەڭ ءتيىمدى قورعانىس جاسۋشالارىن بەلسەندى تۇردە كوشىرەتىنىن انىقتادى. مولەكۋلالىق تالداۋ جاسۋشالاردىڭ رەاكسياسى اعزانىڭ قاتەرلى ىسىككە جاۋابىنا ۇقساس ەكەنىن كورسەتتى. قارتايۋدى باياۋلاتۋمەن تىكەلەي بايلانىسى ءالى دالەلدەنبەگەنىمەن، زەرتتەۋشىلەر انومالدى جاسۋشالاردى ۇنەمى بەيتاراپتاندىرۋ دەنساۋلىقتى تەرەڭ كارىلىككە دەيىن ساقتاۋعا كومەكتەسەدى دەپ سانايدى.