قازاقستاندىق تەننيسشىلەر اندرەي گولۋبيەۆ پەن الەكساندر نەدوۆەسوۆ 2026 جىلعى اقش اشىق چەمپيوناتىنداعى ونەرىن اياقتادى، دەپ حابارلايدى infohub.kz سايتى.
سپورتشىلار جۇپتىق سىندا ونەر كورسەتتى. ءبىرىنشى اينالىمدا ولاردىڭ قارسىلاستارى چەح ادام پاۆلاشەك پەن پاتريك ريكل بولدى.
ماچ نەبارى ەكى سەتكە سوزىلىپ، قازاقستاندىق جۇپ 5:7، 3:6 ەسەبىمەن جەڭىلىپ قالدى.
تەننيسشىلەر كورتتا 1 ساعات 20 مينۋت وتكىزدى. وسى ۋاقىت ىشىندە گولۋبيەۆ پەن نەدوۆەسوۆ ءبىر ەيس جاسادى، التى قوس قاتەلىك جىبەردى جانە ەكى برەيك-پوينتتىڭ ءبىرىن ىسكە اسىردى.
ولاردىڭ شىعىپ قالۋىنان كەيىن US Open ەرلەر جۇپتىق سىنىندا قازاقستاندىقتاردان تەك الەكساندر بۋبليك قالدى. ول قىتايلىق سزيۋنچەن شانمەن بىرگە ەكىنشى اينالىمعا شىقتى. ايەلدەر جۇپتىق تورىندا قازاقستاندىق اننا دانيلينا سەربيالىق الەكساندرا كرۋنيچپەن بىرگە وينايدى.
US Open — ماۋسىمداعى ۇلكەن دۋلىعانىڭ قورىتىندى ءتۋرنيرى. ول نيۋ-يوركتە قاتتى كورتتا وتەدى.