يەمەن حۋسيتتەرى ساۋد ارابياسىنىڭ Wafa مۇناي تانكەرىنە قىزىل تەڭىزدىڭ سولتۇستىك بولىگىندە جاڭا اسكەري وپەراسيا جاساعانىن حابارلادى، دەپ مالىمدەيدى infohub.kz سايتى.
قوزعالىستىڭ اسكەري وكىلى ياحيا ساري كەمەگە يانبۋ-ەل-باحر اۋدانىندا بىرنەشە بالليستيكالىق زىمىرانمەن شابۋىل جاسالعانىن ايتتى. ونىڭ ايتۋىنشا، زىمىراندار نىساناعا ءدال تيگەن.
ساري بۇل شابۋىل حۋسيتتەر جاريالاعان «بلوكاداعا بلوكادا» ستراتەگياسىنىڭ بولىگى ەكەنىن ءتۇسىندىردى. سونداي-اق ول 22 شىلدەدەگى تەڭىز بلوكاداسى باستالعاننان بەرى بۇل حۋسيتتەردىڭ شابۋىلىنا ۇشىراعان سەگىزىنشى ساۋديالىق مۇناي تانكەرى ەكەنىن قوسىپ ايتتى.
بۇدان باسقا، قوزعالىس وكىلى بلوكادا ەنگىزىلگەننەن كەيىن حۋسيتتەر قىزىل جانە اراب تەڭىزدەرى ارقىلى وتكەن 29 ساۋديالىق تانكەردىڭ وتۋىنە كەدەرگى كەلتىرىپ، باعىتتارىن وزگەرتۋگە ءماجبۇر ەتكەنىن مالىمدەدى.