قازاقستان ىشكى ىستەر مينيسترلىگى ەسىرتكى قىلمىسىنا قارسى كۇرەس قورىتىندىسىن شىعاردى، دەپ حابارلايدى infohub.kz.
Polisia.kz دەرەكتەرىنە سايكەس، جىل باسىنان بەرى ەلىمىزدە سينتەتيكالىق ەسىرتكى وندىرەتىن 17 جاسىرىن زەرتحانا جويىلدى. جەتى ۇيىمداسقان قىلمىستىق توپتىڭ ارەكەتىنە جول بەرىلمەدى، ولارعا قاتىستى 12 قىلمىستىق ءىس قوزعالدى. توعىز وقۇ كوشباسشىسى مەن 41 توپ مۇشەسى ۇستالدى.
«تاركىلەنگەن "ۇنتاق" كولەمى 865 كگ قۇرادى — بۇل ميلليونداعان دوزا سينتەتيكالىق ەسىرتكى، ولار زاڭسىز اينالىمعا تۇسكەن جوق. بۇل — ونداعان مىڭ ادامنىڭ ەسىرتكىگە تاۋەلدى بولۋىنىڭ الدىن الۋ، ازاماتتاردىڭ دەنساۋلىعىن ساقتاۋ جانە ادام ءومىرىن اراشالاۋ. جاسوسپىرىمدەردىڭ ەسىرتكى ورتاعا تارتىلۋى ەرەكشە الاڭداۋشىلىق تۋدىرادى»، — دەدى پوليسيا قىزمەتكەرلەرى.
قازىرگى ۋاقىتتا 55 كامەلەتكە تولماعان ۇستالدى، ونىڭ 32ء-سى ەسىرتكى ساتۋعا قاتىسى بار. سونداي-اق ەسىرتكى بيزنەسىنىڭ قارجىلىق قۇرامداس بولىگىنە سوققى بەرۋ شارالارى قابىلدانۋدا.
ءىىم دەرەكتەرىنە سايكەس، 258 ملن تەڭگە سوماسىنداعى 10 مىڭ كارتا-شوت قاتىرىلدى. ەسىرتكى ساۋداسىنىڭ كولەڭكەلى قارجى سحەمالارىنا قاتىسى بار 215 مىڭ شەتەلدىك كارتا-شوت بويىنشا ترانزاكسيالىق وپەراسيالار شەكتەلدى. 8،5 مىڭ ەسىرتكى سايتى بۇعاتتالدى.