قازاقستان قۇراماسىنىڭ جارتىلاي قورعاۋشىسى يسلام چەسنوكوۆ رەسەي پرەمەر-ليگاسىنىڭ توعىزىنشى تۋرىندا ماسكەۋدىڭ «لوكوموتيۆىنە» قارسى سىرت الاڭداعى ماچتا «كرىليا سوۆەتوۆ» ساپىندا نەگىزگى قۇرامدا الاڭعا شىقتى. «رجد ارەنادا» وتكەن كەزدەسۋ 1:1 ەسەبىمەن تەڭ اياقتالدى، دەپ حابارلايدى infohub.kz سايتى.
چەسنوكوۆ ويىندى سامارلىق كوماندانىڭ شابۋىلداعى وڭ قاناتىندا باستادى. 44ء-شى مينۋتتا قازاقستاندىق فۋتبولشى سارى قاعاز الدى، ال ۇزىلىستە «كرىليا» باس باپكەرى سەرگەي بۋلاتوۆ ونى نيكيتا سالتىكوۆقا اۋىستىردى.
ءبىرىنشى تايم گولسىز ءوتتى. ۇزىلىستەن كەيىن ەسەپتى «لوكوموتيۆ» اشتى: 53ء-شى مينۋتتا نيكولاي كومليچەنكو كوزگە ءتۇستى. «كرىليا سوۆەتوۆ» 67ء-شى مينۋتتا جاۋاپ قايتاردى – قوسالقى قۇرامنان شىققان امار راحمانوۆيچ سالتىكوۆتىڭ پاسىنان كەيىن ەسەپتى تەڭەستىردى.
قالعان ۋاقىتتا كوماندالار باسقا گول سوقپادى – 1:1. توعىز تۋردان كەيىن «كرىليا سوۆەتوۆ» 11 ۇپاي جيناپ، توعىزىنشى ورىندا تۇر. «لوكوموتيۆ» جەتى ۇپايمەن 13ء-شى ورىندا. كوش باسىندا «كراسنودار» (20 ۇپاي) كەلەدى.
چەسنوكوۆ سامارلىق كلۋبقا 18 تامىزدا قوستانايلىق «توبىلدان» جالعا بەرۋ نەگىزىندە اۋىسقان. كەلىسىم 2026/27 ماۋسىمىنىڭ سوڭىنا دەيىن جاسالعان جانە فۋتبولشىنى ساتىپ الۋ وپسياسىن قاراستىرادى.
«لوكوموتيۆپەن» كەزدەسكەنگە دەيىن 26 جاستاعى قازاقستاندىق رپل-داعى «اكرون»، «احمات» جانە «كراسنودار» ماچتارىندا الاڭعا شىققان. «رودينامەن» ويىندا ول قوسالقى قۇرامدا قالدى.