جولداعى كەدەرگى
باياعى زاماندا ءبىر پاتشا سارايعا كىرەتىن جولدىڭ ۇستىنە ۇلكەن تاس قويدىرىپ، ءوزى تەرەزەدەن باقىلاپ وتىرىپتى. “كورەيىك نە بولادى ەكەن؟...”
ەلىنىڭ ەڭ باي ساۋداگەرلەرى، ەڭ كۇشتى كەرۋەنشىلەرى، ساراي قىزمەتشىلەرى جولدا كەلە جاتىپ تاستى اينالىپ ءوتىپ ەشنارسە ىستەمەي كىرىپ كەتەدى. كەيبىرەۋلەرى تاستى كورىپ داۋىستاپ تۇرىپ پاتشانى سوگە باستايدى. “حالىقتان قانشاما سالىق جينايدى ءبىراق جولدارىن تازا ۇستاي المايدى...” ت.ب.
وسى كەزدە ءبىر اۋىل شارۋاسى سارايعا جەمىس، كوكونىس الىپ كەلە جاتىپ جول ورتاسىنداعى تاستى كورگەندە، ارقاسىنان جۇگىن جەرگە قويىپ ەكى قولىمەن تاستى يتەرە باستايدى. قاتتى قينالىپ، قارا تەرگە باتادى، اقىرى سوڭىندا تاستى جولدىڭ شەتىنە ىعىستىرىپ قويادى. جۇگىن قايتادان اسىنىپ جاتقاندا تاستىڭ جاتقان جەرىنەن ءبىر قالتا كورەدى.
الىپ ءىشىن اشادى... قالتاشىق التىنعا تولى بولادى. ىشىنەن پاتشانىڭ جازعان حاتىن كورەدى: “بۇل التىن، تاستى جولدان العان ادامعا بەرگەن سىيلىعىم. پاتشا.”
وسىلايشا بۇل شارۋا بۇگىنگى كۇنى دە كوپشىلىكتىڭ ونشا ءمان بەرە بەرمەيتىن ماسەلەلەرىندە ادامدارعا ءدارس بەردى. مۇنىڭ سىياپاتىن دۇنيەدە ارتىعىمەن الدى.
قاراپ كورىڭىزدەر:
You Might Also Like
-
عاني اكەسىمەن بىرگە ۇلكەن تاۋ جارتاستارىنىڭ اراسىمەن سەرۋەندەپ كەلە جاتقان ەدى. كەنەت عاني ءسۇرىنىپ كەتىپ: «ا-ا-ا-ا!» دەپ ايقايلاپ جىبەردى. سول كەزدە جوعارىدان “ا-ا-ا-ا! ” دە...
