قوجا جەر ورتاسىنان اسقان جاستا بايبىشەسىمەن بىرگە جاتپاي، بولەك جاتۋدى شىعارىپتى. مۇنى بايبىشەسىنىڭ جاقتىرماي جۇرگەنىن قاباعىنان بايقاعان قوجا ءبىر كۇنى:
— رەنجىمە، قاتىن، جۇما كۇنى بىرگە جاتاتىن بولايىق. ءبىراق مەن جۇما كۇنىن ۇمىتا بەرەمىن، — دەيدى.
قوجا ءسوزىن بايبىشەسى قۇپتاپ:
— كەرەگەدە ءىلۋلى تۇرعان سالدەڭدى جۇما كۇنى مەن جۇكتىڭ ۇستىنە قويايىن، كۇن جۇما ەكەنىن سودان بىلەرسىڭ، — دەيدى.
بايبىشە سالدەنى جۇكتىڭ ۇستىنە قويۋدى جيىلەتىپ جىبەرسە كەرەك. سونى سەزگەن قوجا ءبىر كۇنى جۇكتىڭ ۇستىندە تۇرعان سالدەسىنە قاراپ:
— جۇما كۇنى بۇل ۇيدە نە سەن تۇراسىڭ، نە مەن تۇرامىن. سەن جۇكتەن تۇسكەنشە، مەن ەسەگىمنىڭ قاسىنا بارىپ جاتا تۇرام، — دەپ ۇيدەن شىعىپ كەتىپتى.