قازاقستاندىق «قايرات» فۋتبول كلۋبى ەۋروپا ليگاسىنىڭ ىرىكتەۋ كەزەڭىنىڭ سوڭعى راۋندىنداعى العاشقى ماچتا بەلگيالىق «اندەرلەحتتەن» ءىرى ەسەپپەن جەڭىلىپ قالدى، دەپ حابارلايدى infohub.kz سايتى.
الماتىداعى ورتالىق ستاديوندا وتكەن كەزدەسۋ قوناقتاردىڭ پايداسىنا 3:0 ەسەبىمەن اياقتالدى. ەكىنشى مينۋتتا-اق «اندەرلەحتتىڭ» فينليانديالىق جارتىلاي قورعاۋشىسى يااككو وكسانەن دوپتى ءوز قاقپاسىنا جىبەرىپ، ەسەپ اشتى. ءبىرىنشى تايمدا بەلگيالىقتار باسىمدىقتارىن ارتتىردى: 24-مينۋتتا چەح جارتىلاي قورعاۋشىسى لۋكاش امبروس، ال 45+1-مينۋتتا ۋكراينالىق شابۋىلشى دانييل سيكان گول سوقتى.
ءبىرىنشى تايمنىڭ سوڭىندا الاڭ يەلەرى از قالىپ قالدى: VAR-دىڭ ارالاسۋىنان كەيىن قازاقستاندىق قورعاۋشى الەكساندر شيروبوكوۆ تىكەلەي قىزىل قاعاز الدى (38-مينۋت).
قارىمتا ماچ 27 تامىزدا بريۋسسەلدە وتەدى. ەكى كەزدەسۋ قورىتىندىسى بويىنشا جەڭىمپاز ەۋروپا ليگاسىنىڭ نەگىزگى كەزەڭىنە شىعادى، ال جەڭىلگەن كوماندا كونفەرەنسيالار ليگاسىنىڭ جالپى كەزەڭىندە جالعاستىرادى.
«قايرات» — ەۋروكۋبوكتاردا كۇرەسىن جالعاستىرىپ جاتقان قازاقستاننىڭ جالعىز وكىلى. الماتىلىقتار چەمپيوندار ليگاسىنىڭ ەكى ىرىكتەۋ راۋندىنان ءوتىپ، چەرنوگوريالىق «سۋتەسكا» مەن كيپرلىك «ومونيانى» ۇتقان ەدى، ءبىراق كەيىن بولگاريالىق «لەۆسكيدەن» ۇتىلدى.