الماتىلىق «قايرات» قازاقستان پرەمەر-ليگاسىنىڭ 24-تۋرىنىڭ قورىتىندى ماچىندا قوناقتا «ەلىمايدى» 2:0 ەسەبىمەن جەڭدى. قازىرگى چەمپيون كەزدەسۋ تاعدىرىن ءبىرىنشى تايمنىڭ ورتاسىندا ەكى گولمەن شەشتى، دەپ حابارلايدى infohub.kz.
32-مينۋتتا يسپانيالىق شابۋىلشى مارك گۋال ەسەپ اشتى. نەبارى ءۇش مينۋتتان كەيىن پورتۋگاليالىق قورعاۋشى لۋيش ماتا قوناقتاردىڭ باسىمدىعىن ەكى ەسە ارتتىردى. ماچ سوڭىنا دەيىن «ەلىماي» ەسە ايىرماسىن قىسقارتا المادى – 0:2.
بۇل جەڭىس «قايراتقا» 51 ۇپاي جيناپ، كوش باستاپ تۇرعان «ورداباسىدان» قالعان ايىرمانى ءتورت ۇپايعا دەيىن قىسقارتۋعا مۇمكىندىك بەردى. الماتىلىقتار 22 ماچ وتكىزسە، شىمكەنتتىكتەر 23 ويىندا. «ەلىماي» 32 ۇپايمەن التىنشى ورىندا قالدى.
«قايرات» ءۇشىن بۇل ەۋروكۋبوك ىرىكتەۋى اياقتالعاننان كەيىنگى العاشقى ويىن بولدى. 27 تامىزدا الماتىلىقتار ەۋروپا ليگاسىنىڭ پلەي-وفف كەزەڭىندەگى جاۋاپتى ماچتا «اندەرلەحتتەن» 0:3 ەسەبىمەن ۇتىلىپ، تۋرنيردەن شىعىپ قالعان ەدى. ەندى رافاەل ۋرازباحتين شاكىرتتەرى كونفەرەنسيالار ليگاسىنىڭ نەگىزگى كەزەڭىندە ونەر كورسەتەدى.