الماتىلىق «قايرات» كلۋبىنىڭ فينليانديالىق شابۋىلشىسى ويۆا يۋككولا ءباسپاسوز ءماسليحاتىندا قازاقستان چەمپيوناتى مەن ەۋروكۋبوكتەردىڭ دەڭگەيىن سالىستىردى، دەپ حابارلايدى infohub.kz سايتى.
24 جاستاعى شابۋىلشى «سارى-قارالار» ساپىنداعى العاشقى ماۋسىمىن وتكىزىپ جاتىر. ودان قازاقستان پرەمەر-ليگاسىنداعى كورسەتكىشتەرى ەۋروكۋبوكتەرگە قاراعاندا الدەقايدا جوعارى ەكەنىنىڭ سەبەبىن سۇرادى. يۋككولانىڭ ايتۋىنشا، بۇعان بىرنەشە فاكتور اسەر ەتەدى — قارسىلاستىڭ دەڭگەيى جوعارى بولۋىنان باستاپ ساتسىزدىككە دەيىن.
«ارينە، چەمپيوندار ليگاسىندا دەڭگەي وتە جوعارى. ءقازىر ەۋروپا ليگاسىندا دا ءبىزدىڭ قارسىلاسىمىز (بەلگيالىق "اندەرلەحت" — رەد.) سول دەڭگەيگە ساي. مۇنداي دەڭگەيدە گولدىق مومەنت جاساۋ قيىنىراق. ءبىراق "لەۆسكيمەن" وتكەن جاۋاپتى ماچتا مەنىڭ مۇمكىندىكتەرىم بولعانىن كوردىك. مەن ءبىر نەمەسە ءتىپتى ەكى گول سوعا الار ەدىم، ءبىراق مەنىڭ كۇنىم ەمەس ەدى. ارينە، مۇنداي ماچتار ويىنشىلارعا جوعارى تالاپ قويادى. قورعانىسقا كوبىرەك كۇش جۇمساۋ كەرەك. سونىمەن قاتار، قارسىلاستار جەكە دۋەلدە كۇشتىرەك. ماچتار قيىنىراق، ءبىراق كەيدە جاي عانا ساتتىلىك بولمايدى»، — دەدى يۋككولا.
«قايرات» چەمپيوندار ليگاسىنىڭ ءۇشىنشى ىرىكتەۋ كەزەڭىنە دەيىن جەتكەن، ءبىراق بولگاريالىق «لەۆسكيدەن» ۇتىلىپ قالدى. ەۋروپا ليگاسىنىڭ پلەي-وفف كەزەڭىندە الماتىلىقتار بەلگيالىق «اندەرلەحتپەن» كەزدەسەدى. بۇل جۇپتىڭ جەڭىمپازى نەگىزگى تۋرنيرگە شىعادى. ۇتىلعان كوماندا كونفەرەنسيالار ليگاسىنىڭ جالپى كەزەڭىندە ونەر كورسەتەدى.