جاپونيادا ءوتىپ جاتقان جازعى ازيا ويىندارى-2026-دا اكادەميالىق ەسۋ بويىنشا قازاقستان قۇراماسىنىڭ وكىلدەرى فينالدىق جارىستاردا سىنعا ءتۇستى. ەڭ ۇزدىك ناتيجەنى جەڭىل سالماقتاعى ايەلدەر اراسىنداعى جالعىز ەسكەكتى قايىقتىڭ ا فينالىندا روزا كەنەس كورسەتتى — ول قاشىقتىقتى 7 مينۋت 47،95 سەكۋندتا ءجۇزىپ ءوتىپ، تۇعىردان ءبىر قادام قالعاندا ءتورتىنشى ورىندا توقتادى، دەپ حابارلايدى infohub.kz سايتى.
تاعى ءبىر توپ-5 ناتيجەسىن ەكاتەرينا نوسكوۆا مەن ماريا چەرنەس كورسەتتى. جەڭىل سالماقتاعى ايەلدەر اراسىنداعى قوس ەسكەكتى قايىقتار سايىسىندا قازاقستاندىق دۋەت 7 مينۋت 11،19 سەكۋند ۋاقىتپەن بەسىنشى بولىپ مارەگە جەتتى. التىندى يران جەڭىپ الدى، ەكىنشى ورىندى گونكونگ، ءۇشىنشى ورىندى جاپونيا يەلەندى.
ۆ فينالدارىندا قازاقستاننىڭ ەرلەر قۇراماسىنىڭ وكىلدەرى دە ونەر كورسەتتى. باپان اسحانبەك جالعىز ەسكەكتى قايىقتا ەكىنشى بولىپ، جالپى ەسەپتە سەگىزىنشى ورىنعا تۇراقتادى.
ۇقساس ناتيجەنى قوس ەسكەكتى قايىقتار سايىسىندا الەكسەي كراسنوۆسكي مەن ۆلاديسلاۆ گالكين كورسەتتى. قازاقستاندىقتار ۆ فينالىندا ەكىنشى بولىپ، قورىتىندى كلاسسيفيكاسيادا دا سەگىزىنشى ورىندا تۇردى.