الماتىلىق فيرما يراندىق اۋەكومپانيامەن ىنتىماقتاستىعى ءۇشىن اقش قارجى مينيسترلىگىنىڭ سانكسيالىق تىزىمىنە ەندى، دەپ حابارلايدى infohub.kz سايتى.
اقش قارجى مينيسترلىگىنىڭ سايتىندا حابارلانعانداي، شەتەلدىك اكتيۆتەردى باقىلاۋ باسقارماسى (OFAC) يراننىڭ اۆياسيا سەكتورىن قولدايتىن 36 ۇيىمعا قارسى سانكسيا ەنگىزدى. سونىڭ ىشىندە يراندىق Mahan Air اۋەكومپانياسىمەن ىنتىماقتاساتىن فيرمالارعا دا شارا قولدانىلدى. ماسەلەن، سانكسيالىق تىزىمگە قازاقستاندىق Tour Invest (تۋر ينۆەست) كومپانياسى ءىلىندى. باسىلىمدا ول Mahan Air-دىڭ باس ساتۋ اگەنتى بولعانى ايتىلعان.
«ءبىز يران رەجيمىنە قارجىلىق قۇتقارۋ جەلىلەرىن قامتاماسىز ەتەتىندەرگە اۋىر زارداپ بولاتىنىن ۋادە ەتكەن ەدىك. بۇگىن ءبىز بۇل ۋادەنى ورىنداپ، Mahan Air-دى قولداۋدى جالعاستىرىپ وتىرعان كومپانيالارعا سانكسيا سالدىق. بۇل يراننىڭ قالعان اۋەكومپانيالارىمەن بيزنەس جۇرگىزەتىندەردىڭ بارىنە ەسكەرتۋ بولسىن، ءبىز بۇگىن ولاردىڭ بارلىعىنا سانكسيا سالدىق: سىزدەر جاھاندىق قارجى جۇيەسىنەن اجىراپ قالۋ قاۋپىنە ۇشىرايسىزدار»، — دەپ ەسكەرتتى ۆەدومستۆودا.
سونىمەن قاتار OFAC قازاقستاندىق تۋروپەراتوردىڭ قۇقىقتىق مارتەبەسىن ناقتىلادى — «secondary sanctions risk» (قايتالاما سانكسيا ءقاۋپى). بۇل تىكەلەي تىيىم سالىنباعانىمەن، كومپانيا جوعارى ءقاۋىپ ايماعىندا ەكەنىن بىلدىرەدى.
uchet.kz پورتالىنىڭ مالىمەتىنشە، «Tour Invest (تۋر ينۆەست)» ج ش س الماتىدا تىركەلگەن. باسشىسى — زياە باباك الي. «اق جايىق» باسىلىمىنىڭ جازۋىنشا، كومپانيا 2014 جىلى تۋروپەراتور رەتىندە تىركەلگەن. بۇل شتاتى بەس ادامنان از شاعىن كاسىپورىن.