جاپونيادا وتكەن XX جازعى ازيا ويىندارى 19 قىركۇيەكتە رەسمي تۇردە اشىلىپ، بۇگىن، 4 قازاندا مارەسىنە جەتتى. جەكسەنبى كۇنى تاڭەرتەڭ ازيادا-2026-نىڭ سوڭعى جارىسى – ات سپورتىنان كونكۋر ءوتتى. وندا شاباندوزدار كەدەرگى بيىكتىگىنە قاراي ەكى ساناتتا سىنعا ءتۇستى، دەپ حابارلايدى infohub.kz سايتى.
قازاقستاندىق ولەگ سوكولەنكو سيندەرەللا ەسىمدى اتىمەن ا ساناتىندا 14-ورىن الدى. نۋريلا تۇرىسبەكوۆا كۋبەل-ۆان-ابەلەندرەفف اتىمەن قالعان بەس شاباندوزبەن بىرگە مارەگە جەتە المادى.
ايتا كەتەيىك، ات سپورتى جارىستارى ويىندار استاناسى ناگويادا ەمەس، توكيوداعى JRA Equestrian Park وليمپيادالىق كەشەنىندە ءوتتى.
ازيا ويىندارى-2026
4 قازان. ات سپورتى. كونكۋر. كەدەرگى بيىكتىگى 140/150 سم
🥇 1. فالەح الادجامي – كاپەللا (كاتار)
🥈 2. ابدۋللا المەيري – حادسون-دە-ۆاينس (ءباا)
🥉 3. حالەد ابدۋلراحمان الموبتي – ديانا-دە-پلەۆو (ساۋد ارابياسى)
…14. ولەگ سوكولەنكو – سيندەرەللا (قازاقستان)
بۇگىن ناگوياداعى «پالوما ميدزۋحو» ستاديونىندا ازيادا-2026-نىڭ سالتاناتتى جابىلۋ ءراسىمى وتەدى.
تۋريزم جانە سپورت مينيسترلىگىندە ازيادا-2026-نىڭ قورىتىندىسى شىعارىلدى. قازاقستان قۇراماسى 84 مەدال جەڭىپ الدى – 12 التىن، 24 كۇمىس جانە 48 قولا. وسىلايشا 46 قاتىسۋشى ەل اراسىندا جالپىكوماندالىق ەسەپتە سەگىزىنشى ورىنعا تۇراقتادى.
حيروسيما-1994-تەن ينچحون-2014-كە دەيىنگى التى ازيادادا قازاقستان قۇراماسى ۇزدىك بەستىكتەن تۇسپەدى. حانچجوۋ-2022-دەگى وتكەن ويىندارداعى ناتيجە تاريحتاعى ەڭ ناشار كورسەتكىش بولدى. ال قازىرگى جارىستاعى 12 التىن مەدال – كوماندامىزدىڭ ازيادالارداعى سوڭعى ورىنداردىڭ بىرىنەن كورىنگەن ناتيجەسى.
كەشەندى جارىستاردا (وليمپيادا مەن ازيادادا) ەڭ بەدەلدى سانالاتىنى – ويىندىق كوماندالىق سپورت تۇرلەرى. وسى تۇرلەردە قازاقستاندىقتاردىڭ ەنشىسىندە ءبىر كۇمىس بار. ويىنداردىڭ ۆيسە-چەمپيوندارى سۋ پولوسى ويىنشىلارى اتاندى. گاندبولشى قىزدار مەن ايەلدەر رەگبي قۇراماسى جۇلدەگەرلەر تۇعىرىنان ءبىر قادام قالعاندا توقتادى.
45 ەلدىڭ سپورتشىلارى قاتىسقان جارىستاردا 460 مەدال جيىنتىعى ساراپقا سالىندى. ونىڭ 217ء-سى – ەرلەر، 204ء-ى – ايەلدەر جانە 39-ى – ارالاس رازريادتار اراسىندا.
ازيادا-2026-دا قازاقستان قۇراماسىنىڭ ساپىندا 35 سپورت تۇرىنەن 558 سپورتشى ونەر كورسەتتى.
كەلەسى ازيا ويىندارى 2030 جىلى كاتار استاناسى دوحادا وتەدى.