جاپونيادا ءوتىپ جاتقان ازيات ويىندارى-2026-دا قازاقستان ايەلدەر باسكەتبول قۇراماسى ەكىنشى رەت جەڭىلىس تاپتى. تۋرنير يەلەرىنە قارسى ويىندا قازاقستاندىق سپورتشىلار جاپون قۇراماسىنا 88:23 ەسەبىمەن جول بەردى، دەپ حابارلايدى infohub.kz سايتى.
كەزدەسۋ جاپونيا قۇراماسىنىڭ باسىمدىعىمەن ءوتتى: ولار ءبىرىنشى مينۋتتان-اق باستامانى ءوز قولىنا الىپ، ويىن بويى ايىرماشىلىقتى ۇلعايتا ءتۇستى. شيرەكتەر بويىنشا ەسەپ بىلاي بولدى: 23:9، 25:6، 23:5، 17:3.
بوريس فاتكۋليننىڭ شاكىرتتەرى ءتورت شيرەكتىڭ ەشقايسىسىندا ون ۇپايدان اسىرا المادى. قورىتىندى ايىرماشىلىق 65 ۇپايدى قۇرادى.
قازاقستان قۇراماسى ءۇشىن بۇل تۋرنيردەگى ەكىنشى ءىرى جەڭىلىس. باستاپقى ويىندا ۇلتتىق قۇراما فيليپپينگە 55:88 ەسەبىمەن جول بەرگەن بولاتىن.
كەلەسى كەزدەسۋدى قازاقستاندىق باسكەتبولشى قىزدار 22 قىركۇيەكتە گونكونگقا قارسى وتكىزەدى. پلەي-وففقا ءار توپتان ەكى ۇزدىك قۇراما، سونداي-اق ءۇشىنشى ورىن العان ءۇش قۇرامانىڭ ەكەۋى شىعادى.