جاپونيا قابىلداپ وتىرعان XX جازعى ازيا ويىندارىندا ەرلەر مەن ايەلدەر اراسىنداعى قازىرگى بەسسايىس جارىستارى باستالدى، دەپ حابارلايدى infohub.kz سايتى.
بۇل سپورت ءتۇرى قىلىش سايىسىن، ات سپورتىن، ءجۇزۋدى، سونداي-اق لازەرلىك تاپانشادان اتۋمەن جۇگىرۋدى بىرىكتىرەدى. سارسەنبىدە قىلىش سايىسىنىڭ ىرىكتەۋ كەزەڭى ءوتتى.
ەرلەر سەتكاسىندا قازاقستاندىق تەمىرلان ابدرايموۆ ەكىنشى ناتيجە كورسەتتى. الدىن الا كەزەڭدە ول 27 جەڭىس پەن سەگىز جەڭىلىسكە قول جەتكىزدى. ليەۆ چۋۆاشوۆ، تيحون ءۆاروحين جانە كيريلل ستادنيك ىرىكتەۋدە تيىسىنشە 13، 14 جانە 16-ورىنداردى يەلەندى. ولاردىڭ بارلىعى 20 جەڭىس پەن 15 جەڭىلىسكە قول جەتكىزدى.
ايەلدەر اراسىنداعى قىلىش سايىسىنىڭ ىرىكتەۋىندە قازاقستاندىقتاردىڭ ىشىندە ۇزدىگى ديانا ششەدروۆا بولدى — 12-ورىن (19-13). ايانا كازبەكوۆا 16-ورىندى يەلەندى (17-15). يۋليانا پەتروۆا 22-ناتيجە كورسەتتى (14-18).
17 قىركۇيەكتە قازىرگى بەسسايىستان ايەلدەر اراسىنداعى جارتىلاي فينالدار باستالادى. ەرلەر ءبىر كۇننەن كەيىن وسى كەزەڭدە سىنعا تۇسەدى.