جاپونيا قابىلداپ وتىرعان حح ازيا ويىندارىندا قازاقستاننىڭ ەرلەر قۇراماسى قازىرگى بەسسايىستان تۇعىرعا كوتەرىلدى، دەپ حابارلايدى infohub.kz سايتى.
جەكسەنبى كۇنى وسى سپورت تۇرىنەن فينال ءوتتى. ءۇش ۇزدىك جەكە ناتيجەنىڭ قوسىندىسى ەسەپتەلەتىن كوماندالىق سىندا قازاقستاندىق قۇراما 4647 ۇپاي جيناپ، ءۇشىنشى ورىنعا تۇراقتادى. قولا جۇلدەگەرلەر تەميرلان ابدرايموۆ، ليەۆ چۋۆاشوۆ جانە تيحون ءۆاروحين اتاندى. بۇل — قازاقستاندىق بەسسايىسشىلاردىڭ ازيا ويىندارىنداعى 16 جىلدان كەيىنگى العاشقى مەدالى.
كوماندالىق تۋرنيردە وڭتۇستىك كورەيا قۇراماسى جەڭىسكە جەتتى (4779 ۇپاي). كۇمىستى قىتايلىقتار ەنشىلەدى (4768).
جەكە سىندا قىتايلىق ليۋچان لي ۇزدىك شىقتى (1598). ەكىنشى جانە ءۇشىنشى ورىنداردى وڭتۇستىككورەيالىقتار دجۋن ۆۋن تە (1595) مەن لي دجون ءحون (1593) ءبولىستى.
جەكە تۋرنيردە قازاقستاندىقتاردىڭ ىشىندەگى ەڭ ۇزدىگى ابدرايموۆ بولدى، ول جەتىنشى ناتيجە كورسەتتى (1564). ءۆاروحين توعىزىنشى (1554)، چۋۆاشوۆ 13ء-شى (1529)، كيريلل ستادنيك 18ء-شى (1138) ورىندارعا تۇراقتادى.
ازيادا-2026 باعدارلاماسىنداعى قازىرگى بەسسايىس قىلىش سايىسىن، ءجۇزۋدى، كەدەرگىلەر جولاعىن جانە لازەرلىك اتۋمەن جۇگىرۋدى (لازەر-ران) قامتيدى.