جاپونيادا 2026 جىلى ءوتىپ جاتقان ازيا ويىندارىندا قازاقستاننىڭ شپاگامەن سەمسەرلەسۋ ايەلدەر قۇراماسى تاريحتا العاش رەت تۇعىرعا كوتەرىلدى. كوماندالىق تۋرنيردە قازاقستاندىق سپورتشىلار قولا جۇلدەگە قول جەتكىزدى، دەپ حابارلايدى infohub.kz سايتى.
جوعارى رەيتينگىنىڭ ارقاسىندا ۇلتتىق قۇراما شيرەك فينالعا تىكەلەي شىعىپ، وندا گونكونگ قارسىلاستارىن 45:35 ەسەبىمەن جەڭدى.
جارتىلاي فينالدا قازاقستاندىقتار جۇڭگو قۇراماسىنا 21:45 ەسەبىمەن جول بەردى. ەرەجە بويىنشا ءۇشىنشى ورىن ءۇشىن جەكپە-جەك قاراستىرىلماعاندىقتان، يرينا باكالدينا، ۆلاديسلاۆا اندرەەۆا، سوفيا نيكولايچۋك جانە داريا سامودەلكينا سينگاپۋر وكىلدەرى سياقتى قولا جۇلدەگەر اتاندى.
بۇل — قازاقستان قۇراماسىنىڭ ايەلدەر شپاگاسىندا ازيا ويىندارىنداعى تاريحتاعى العاشقى جۇلدەسى. ەرلەر اراسىندا ءبىر كۇن بۇرىن وسى قارۋ تۇرىنەن كيريلل پروحودوۆ كۇمىس جۇلدەگەر اتانعان ەدى. وعان دەيىن ءارتوم ساركيسيان سابلياشىلاردىڭ جەكە تۋرنيرىندە قولا جەڭىپ الدى.
سونداي-اق جۇما كۇنى راپيراشى ەرلەردىڭ كوماندالىق سايىسى ءوتتى. قازاقستان قۇراماسى الدىمەن كاتاردى جەڭدى (45:42)، ءبىراق كەيىن شيرەك فينالدا جاپونياعا ەسە جىبەردى (29:45). ەل نامىسىن گالىم نۋرۋموۆ، تيموفەي سەمونوۆ جانە تاميرلان كالييەۆ قورعادى.