استانادا جالعاسىپ جاتقان دەۆيس كۋبوگىنىڭ ماچىندا بەيبىت جۇقايەۆ پەن دەنيس ەۆسەيەۆ جۇبى تايلاندتىق پرۋچيا يسارو مەن ماكسيمۋس دجونسقا جول بەردى. كەزدەسۋ قوناقتاردىڭ پايداسىنا 4:6، 6:3، 5:7 ەسەبىمەن اياقتالدى، دەپ حابارلايدى infohub.kz سايتى.
وسى جەڭىلىسكە قاراماستان، ءۇش ويىننان كەيىن قازاقستان قۇراماسى الدا — 2:1. الدىڭعى كۇنى قازاقستاندىقتار ەكى جەكەلەگەن كەزدەسۋدە دە جەڭىسكە جەتكەن بولاتىن. الەكساندر شەۆچەنكو اتالعان دجونستى ايرىقشا قيىندىقپەن ۇتتى — 6:4، 1:6، 7:5. تيموفەي سكاتوۆ تا تارتىستى كۇرەستە كاسيديت سامرەيدەن باسىم ءتۇستى — 6:4، 7:6 (7:4).
تايلاندتىقتاردىڭ جۇپتىق ويىنعا العاشقى وتىنىمىندە يسارومەن بىرگە تاناپەنت چانتا بولعان. الايدا تايلاند قۇراماسىنىڭ كاپيتانى تيانسيت شريچاپان ونى شەۆچەنكومەن ماچتا ءوزىن جاقسى كورسەتكەن دجونسپەن اۋىستىردى. ءسويتىپ قاتەلەسپەدى. قارسىلاستارىنىڭ ءبىر برەيكىنە قارسى ەكى برەيك جاساعان پرۋچيا مەن ماكسيمۋس ءبىرىنشى سەتتى 6:4 ەسەبىمەن الدى.
باستاپقىدا جۇقاەۆ/ەۆسەيەۆ جۇبى قازاقستان قۇراماسىنىڭ قازىرگى ساپىنداعى ەڭ پروبلەمالى بۋىن بولىپ كورىنگەن. جاقسى جەكەلەگەن ويىنشىلار بولعانىمەن، ەكەۋى دە جۇپتىق ويىننىڭ مايتالماندارى ەمەس. جۇقايەۆ ءبىراز ۋاقىت الەكساندر بۋبليكپەن جۇپتاسىپ وينادى. الايدا اقپاندا موناكومەن بولعان ماچ كورسەتكەندەي، بۇل ەرەكشە تابىس اكەلمەدى.
الەكساندر ءبىرىنشىنىڭ جوقتىعىندا جۇقايەۆ پەن ەۆسەەۆتىڭ مۇمكىندىگى ازداي كورىنگەن. دەگەنمەن ەكىنشى پارتيادا قازاقستاندىقتار كورتقا بەيىمدەلىپ، قۇمىرانى قۇداي جاسامايتىنىن كورسەتتى. ءارى ايقىن جەكەلەگەن ويىنشىلار جۇپتا دا بىردەڭە ىستەي الادى — 6:3.
الايدا شەشۋشى سەتتە يسارو مەن دجونس پرۋچيانىڭ تور باسىنداعى ارنايى داعدىلارىن بەلسەندى پايدالانىپ، كورت يەلەرىن تىزە بۇكتىردى. 6:4، 3:6، 7:5 — 1 ساعات 57 مينۋتتا.
وسىلايشا، قازاقستاندىقتاردىڭ ەسەپتەگى باسىمدىعى قىسقاردى — 2:1. ءتورتىنشى ويىندا كورتقا شەۆچەنكو مەن سامرەي شىعادى. قازاقستاندىق جەڭسە، ماچ ءبىزدىڭ جەڭىسىمىزبەن اياقتالادى. تايلاندتىق جەڭگەن جاعدايدا سكاتوۆ پەن دجونستىڭ اراسىنداعى جەكپە-جەك قاقتىعىستىڭ تاعدىرىن شەشەدى.