جاپونيادا ءوتىپ جاتقان XX جازعى ازيا ويىندارىندا ۇستەل تەننيسىنەن قازاقستاننىڭ ەرلەر جۇپتىق رازريادىندا كيريلل گەراسيمەنكو مەن الان قۇرمانعالييەۆ ءساتتى باستادى، دەپ حابارلايدى infohub.kz سايتى.
ەكىنشى اينالىمدا قازاقستاندىق جۇپ يران وكىلدەرى بەنيامين فارادجي مەن اريان گاففاريمەن كەزدەستى. گەراسيمەنكو مەن قۇرمانعالييەۆ 3:1 ەسەبىمەن جەڭىسكە جەتتى.
قازاقستاندىقتار ءبىرىنشى پارتيانى 11:8 ەسەبىمەن ۇتتى، كەيىن قارسىلاستار تەڭدىكتى قالپىنا كەلتىردى — 7:11. كەلەسى ەكى پارتيا گەراسيمەنكو مەن قۇرمانعاليەۆتىڭ پايداسىنا شەشىلدى — 11:9، 11:4. كەزدەسۋ 27 مينۋتقا سوزىلدى.
وسىلايشا، قازاقستان وكىلدەرى ەرلەر جۇپتىق ءتۋرنيرىنىڭ كەلەسى اينالىمىنا ءوتىپ، ازيادا مەدالدارى ءۇشىن كۇرەستى جالعاستىرادى.
بۇعان دەيىن گەراسيمەنكو مەن قۇرمانعالييەۆ قازاقستاننىڭ ەرلەر قۇراماسى ساپىندا كوماندالىق تۋرنيردە دە ونەر كورسەتكەن. ۇلتتىق قۇراما توپتىق كەزەڭنەن ءساتتى ءوتىپ، بانگلادەش (3:0)، سينگاپۋر (3:1) جانە لاوس (3:1) كوماندالارىن ۇتتى.
قازاقستاننىڭ تاعى ءبىر جۇبى ايدوس كەنجيگۋلوۆ پەن سانجار جۇبانوۆ يران تاندەمىنە ەسە جىبەرىپ، كەلەسى اينالىمعا شىعا المادى.
XX جازعى ازيا ويىندارى جاپونيانىڭ ايچي مەن ناگويا قالالارىندا ءوتىپ جاتىر جانە 4 قازاندا اياقتالادى.