قازاقستان تاريحىندا العاش رەت ۋەفا سۋپەركۋبوگىنىڭ قوجايىنى اتانادى: 2028 جىلعى ايتۋلى ماچ استانالىق «استانا ارەنا» ستاديونىندا وتەدى. بۇل شەشىمدى سالونيكيدە وتكەن ەۋروپالىق فۋتبول قاۋىمداستىقتارى وداعىنىڭ (ۋەفا) اتقارۋ كوميتەتى قابىلدادى، دەپ حابارلادى قازاقستان فۋتبول فەدەراسياسى، infohub.kz سايتىنا سىلتەمە جاساپ.
فەدەراسيا بۇل وقيعانى قازاقستاندىق فۋتبول ءۇشىن «ەل تاريحىنداعى ماڭىزدى كەزەڭ» دەپ اتاپ ءوتتى.
ۋەفا سۋپەركۋبوگى — ەۋروپالىق كلۋبتىق ماۋسىمدى اشاتىن رەسمي فۋتبول ماچى. وندا وتكەن ماۋسىمداعى ۋەفا چەمپيوندار ليگاسى مەن ۋەفا ەۋروپا ليگاسىنىڭ جەڭىمپازدارى كەزدەسەدى. تۋرنير ءبىر ويىننان تۇرادى جانە تامىز ايىنىڭ ورتاسىندا، ەۋروكۋبوكتەردىڭ باستى توپتىق كەزەڭدەرى باستالماي تۇرىپ وتكىزىلەدى. وتەتىن ورنى ۋەفا-عا مۇشە ەلدەردىڭ ءبىرىنىڭ ستاديونىندا الدىن الا تاڭدالىپ، جىل سايىن اۋىسىپ وتىرادى.
ەسكە سالايىق، 13 تامىزدا فرانسۋزيالىق «پاري سەن-جەرمەن» فۋتبولشىلارى 2026/27 ماۋسىمىنىڭ ۋەفا سۋپەركۋبوگى ءۇشىن ماچتا اعىلشىندىق «استون ۆيللانى» جەڭگەن بولاتىن.