جاپونيانىڭ ايتي-ناگويا وڭىرىندە ءوتىپ جاتقان 2026 جىلعى XX جازعى ازيا ويىندارىندا قازاقستاندىق جەڭىل اتلەت ماكسيم فرولوۆسكي 10 000 مەترگە جۇگىرۋدە التى ۇزدىكتىڭ قاتارىنا ەندى، دەپ حابارلايدى infohub.kz سايتى.
بۇل سايىستا فرولوۆسكي قازاقستاننىڭ جالعىز وكىلى بولدى. قاشىقتىق باسىندا ول ايتارلىقتاي الشاقتاپ كەتكەنىمەن، كەيىن قارسىلاستارىنىڭ ءبىر بولىگى ونى قۋىپ جەتتى، ال قازاقستاندىق كەيىننەن كوشباسشىلار توبىنان قالىپ قويدى.
سوڭىندا فرولوۆسكي 30 مينۋت 22،6 سەكۋند ناتيجەمەن التىنشى بولىپ مارەگە جەتتى. جەڭىمپاز — باحرەين وكىلى بيرحان باليۋعا ول شامامەن ەكى مينۋت ۇتىلدى. كۇمىستى ءۇندىستاندىق گۋلۆير سينگح جەڭىپ الدى، ال ۇزدىك ۇشتىكتى تاعى ءبىر باحرەيندىك البەرت كيپتۋ تۇيىندەدى.
كەشكى سەسسيادا 400 مەترگە جۇگىرۋدەن دە ىرىكتەۋ ءوتتى. ايەلدەر اراسىندا ماريا شۋۆالوۆا ءتورتىنشى ۋاقىتپەن — 53،06 سەكۋند — فينالعا شىقتى. تاعى ءبىر قازاقستاندىق الەكساندرا زاليۋبوۆسكايا توعىزىنشى ورىندى يەلەنىپ (53،93)، شەشۋشى كەزەڭگە جەتە الماي قالدى.
ەرلەر اراسىندا ۇلتتىق قۇراما بۇل سايىستا فينالعا شىعا المادى. ەلنور مۋحيتدينوۆ 19-ناتيجە (47،30)، ال اندرەي سوكولوۆ 23-ناتيجە (48،42) كورسەتتى.