الماتى وبلىسى قاراساي اۋدانىنىڭ كوكساي اۋىلىندا Mercedes-Benz ماركالى اۆتوكولىك جەكە ءۇيدىڭ قاقپاسىنا سوعىلىپ كىردى. اۋلادا التى ادام، سونىڭ ىشىندە بالا بولعان. سالدارىنان ەكى ايەل زارداپ شەكتى، دەپ حابارلايدى infohub.kz سايتى.
تۋعان كۇنى 40 جاسقا تولعان ايەلدىڭ اياعىن امپۋتاسيالاۋعا ءماجبۇر بولدى. اۋرۋحاناعا جات قىزىلعان ەكىنشى ايەلدىڭ — 30 جاستاعى — قابىرعالارى سىنعان.
الماتى وبلىستىق پوليسيا دەپارتامەنتىنىڭ مالىمەتىنشە، جول-كولىك وقيعاسىنا بايلانىستى قىلمىستىق ءىس قوزعالدى. «الدىن الا دەرەكتەرگە سايكەس، 24 جاستاعى قىز Mercedes-Benz اۆتوكولىگىن باسقارىپ، ناۋرىزباي باتىر كوشەسىمەن كەلە جاتىپ، باسقارۋدى جوعالتىپ، ەكى جاياۋ جۇرگىنشىنى قاعىپ كەتكەن. ناتيجەسىندە ەكى زارداپ شەككەن دە مەديسينالىق مەكەمەگە جەتكىزىلدى»، — دەلىنگەن ۆەدومستۆو حابارلاماسىندا.
كۇدىكتى ۇستالىپ، ۋاقىتشا ۇستاۋ يزولياتورىنا قامالدى. قازىرگى ۋاقىتتا قاجەتتى تەرگەۋ امالدارى جۇرگىزىلۋدە.