كالي قالاسىندا قۇتقارۋشىلار جويقىن جەر سىلكىنىسىنەن كەيىن ەكى ايلىق ءسابي مەن ونىڭ اكەسىن ءۇيىندى استىنان الىپ شىقتى، دەپ حابارلايدى infohub.kz.
كولۋمبياداعى قۇتقارۋ جۇمىستارى جالعاسۋدا. ءسابي مەن ونىڭ اكەسىن قيراعان ءۇيىندى استىنان تاۋىپ، شىعارىپ ۇلگەردى، الايدا ءسابيدىڭ اناسى مەن اعاسىنىڭ تاعدىرى ازىرگە بەلگىسىز، دەپ حابارلايدى ريا نوۆوستي Noticias Caracol باسىلىمىنا سىلتەمە جاساپ.
«كالي تۇرعىندارى ءۇيىندى استىنان ءسابيدى... جانە ونىڭ اكەسىن شىعارىپ جاتىر»، — دەلىنگەن باسىلىمدا. تەلەارنانىڭ مالىمەتىنشە، ەكى ايلىق ءسابي مەن ونىڭ اكەسى مەديسينالىق مەكەمەگە جەتكىزىلگەن. ەكەۋىنىڭ دە جاعدايى ءقازىر تۇراقتى.
«بالانىڭ اناسى ءالى كۇنگە دەيىن حابار-وشارسىز كەتكەندەر قاتارىندا، ونىڭ اعاسى دا سولاي»، — دەپ قوسادى تەلەارنا.
بۇعان دەيىن كولۋمبيادا جويقىن جەر سىلكىنىسىنەن كەيىن توتەنشە جاعداي رەجيمى جاريالانعانى حابارلانعان بولاتىن. ەسكە سالايىق، 10 تامىزدا كولۋمبيادا ماگنيتۋداسى 7،4 بولاتىن كۇشتى جەر سىلكىنىسى بولدى. سول كۇنى كەشكە 30 ادام قازا تاپقانى حابارلاندى.
11 تامىزداعى تاڭعى مالىمەت بويىنشا، كەم دەگەندە 132 ادام قۇربان بولدى، تاعى 570 ادام جاراقات الدى. ەل ۇكىمەتى ۇلتتىق دەڭگەيدە توتەنشە جاعداي جاريالاپ، زارداپ شەككەن اۋدانعا اسكەري قىزمەتشىلەردى جىبەردى.
سونداي-اق كەشە مەملەكەت باسشىسى قاسىم-جومارت توقايەۆ جەر سىلكىنىسى سالدارىنان كوپتەگەن ادام قازا تابۋىنا بايلانىستى كولۋمبيا پرەزيدەنتىنە كوڭىل ايتۋ جەدەلحاتىن جولدادى.
بۇگىن، 12 تامىزدا، قازا تاپقاندار سانى 200-دەن اسقانى بەلگىلى بولدى.