قازاقستان پرەمەر-ليگاسىندا 25-تۋر اياقتالدى. سوڭعى ويىن كۇنى «استانا» «ەليمايدى» ۇتسا، «توبىل» « ۇلىتاۋدى» جەڭدى، ال «التاي» «قايساردى» تىزە بۇكتىرىپ، تومەنگى ساتىدان شىعىپ كەتتى... دەپ حابارلايدى infohub.kz.
«استانا» «ەليمايعا» جاۋاپسىز ءتورت گول سوقتى – 4:0. ءبىرىنشى تايمنىڭ سوڭىندا يۆان باشيچ بەس مينۋت ىشىندە دۋبل جاسادى، ۇزىلىستەن كەيىن مارين توماسوۆ گول سوقتى، ال نۇكتەنى پەنالتيدەن رامازان كاريموۆ قويدى.
بۇل جەڭىس «استاناعا» 45 ۇپاي جيناپ، ءۇشىنشى ورىندا نىعايۋعا مۇمكىندىك بەردى. ەندى استانالىق كلۋب «وقجەتپەستەن» ءۇش ۇپايعا وزىق تۇر. الدا «ورداباسى» – 55 ۇپاي جانە «قايرات» – 54 ۇپاي. الايدا الماتىلىقتار كوشباسشىدان ءبىر ويىن از وتكىزگەن.
توماسوۆتىڭ گولى 39 جاستاعى حورۆاتتى كپل مەرگەندەر كەستەسىندە كوش باسىنا شىعاردى. ونىڭ ەنشىسىندە ون گول. رومان مۇرتازايەۆ پەن «توبىل» شابۋىلشىسى ۋروش ميلوۆانوۆيچ توعىز گولدان سوققان.
قوستانايدا «توبىل» ۇزىلىستەن كەيىن ەكى رەت العا شىعىپ، « ۇلىتاۋدى» 3:1 ەسەبىمەن جەڭدى. ميلوۆانوۆيچ دۋبل جاساسا، تاعى ءبىر گولدى ۆيتالي ليساكوۆيچ سوقتى. قوناقتاردان اسلان احمەدوۆ گول سوقتى.
قوستانايلىقتار 31 ۇپاي جيناپ، قوسىمشا كورسەتكىشتەر بويىنشا جەتىنشى ورىنعا كوتەرىلىپ، « ۇلىتاۋدى» قۋىپ جەتتى. جەزقازعاندىقتار سەگىزىنشى ورىنعا ءتۇستى.
وسكەمەندە «التاي» پرەمەر-ليگادا قالۋ ءۇشىن ماڭىزدى جەڭىسكە جەتتى. دراگان ستويساۆلەۆيچ بەسىنشى مينۋتتا-اق ەسەپ اشتى، ال ەكىنشى تايمدا سەيف پوپوۆ الاڭ يەلەرىنىڭ باسىمدىعىن نىعايتتى – 2:0.
«التاي» 22 ۇپاي جيناپ، تومەنگى ساتىدان شىعىپ، 13-ورىنعا كوتەرىلدى. «قايسار» 20 ۇپايمەن سوڭعى، 16-ورىنعا ءتۇستى. «ەرتىستە» دە سونشا ۇپاي، ءبىراق ول ءبىر ساتى جوعارى تۇر.
25-تۋردان كەيىن ۇزدىك ۇشتىك: «ورداباسى» – 55 ۇپاي، «قايرات» – 54، «استانا» – 45. «وقجەتپەس» 42 ۇپايمەن ءتورتىنشى، «اقتوبە» 38 ۇپايمەن بەسىنشى ورىندا.