رەسەيلىك تەلەجۇرگىزۋشى لەرا كۋدرياۆسەۆا ولەگ گازمانوۆ باستاعان سپورتتىق چەللەندجدى ەرەكشە تاسىلمەن قولداپ، infohub.kz سايتىنا حابارلادى.
ەسكە سالايىق، جاقىندا رەسەيدىڭ حالىق ءارتىسى ولەگ گازمانوۆ 75 جاسقا تولدى. وسىعان وراي ءانشى ءوزىنىڭ 75 رەت وتجيمانيە جاساعان بەينەجازباسىن جاريالاپ، ارىپتەستەرى مەن جازىلۋشىلارىن دا سولاي ىستەۋگە شاقىردى. العاشقىلاردىڭ ءبىرى بولىپ سەرگەي لازاريەۆ ءۇن قاتىپ، 43 رەت وتجيمانيە جاسادى.
ءقازىر دەمالىستا جۇرگەن لەرا كۋدرياۆسەۆا تاپسىرمانى وزىنشە ءتۇسىندىرۋدى ءجون كوردى. ول فيزيكالىق جاتتىعۋدىڭ ورنىنا گاسترونوميالىق ءتاسىلدى ۇسىندى. «مەن ولەگ گازمانوۆ پەن سەرگەي لازارەۆتىڭ چەللەندجىن قابىلدايمىن. جاسىڭ قانشا بولسا، سونشا كارتوپ جە. سودان كەيىن سونشا مينۋت جات»، — دەپ جازدى تەلەجۇرگىزۋشى الەۋمەتتىك جەلىدەگى پاراقشاسىندا.
ءازىل نازاردان تىس قالمادى. ولەگ گازمانوۆ ازىلمەن جاۋاپ بەردى: «ەح... لەرا، لەروچكا!» — دەپ، ك ۇلىپ تۇرعان سمايليك قوستى. ءانشى ستاس پەحا دا بۇل كرەاتيۆتى جوعارى باعالادى: «سەن حالىقتى وسىلاي ۇزاق ءومىر سۇرۋگە ىنتالاندىراسىڭ با؟!» كۋدرياۆسەۆانىڭ جازىلۋشىلارى مۇنداي تاسىلگە ءتانتى بولدى. پىكىرلەردە ولار: «مىنا چەللەندج ماعان كوبىرەك ۇنايدى جانە ساي كەلەدى»، «ينتەرنەتتە كەزدەستىرگەن ەڭ ۇزدىك چەللەندج، مەن دە قاتىسقىم كەلىپ كەتتى»، «بۇل وتە كۇلكىلى» دەپ جازادى.
بۇعان دەيىن لەرا كۋدرياۆسەۆا فرانسياداعى دەمالىسىنان اتموسفەرالىق فوتوسۋرەتتەرمەن بولىسكەن ەدى.