قازاقستاندىق ارتىستەر ميراس پەن كۇرالاي بەكجانوۆتار قىزدارى ينكاردى «ۇزاتۋ توي» داستۇرىمەن جاڭا ومىرگە شىعارىپ سالدى. اكەنىڭ كوز جاسىن تىيماعان وسى ءسات كوپتەگەن كورەرمەندى بەيجاي قالدىرمادى، دەپ حابارلايدى infohub.kz سايتى.
قىزدىڭ ءوز ۇيىنەن ۇزاتىلۋى اتا-انا ءۇشىن ءارقاشان ءسال مۇڭدى وقيعا. ميراس بەكجانوۆ قىزىنا ارناپ ءان ورىندادى، وندا ول قىزىنىڭ ەر جەتىپ، تۇرمىسقا شىعىپ جاتقانىنا سەنە المايتىنىن ايتادى. قىزدىڭ كوزىنە جاس كەلدى.
ال ءانشى جازيرا بايىربەكوۆا قىزدى قولتىعىنان جىگىتكە الىپ بارعاندا، قىزدىڭ اكەسى كوز جاسىن تىيمادى.
بۇل اسەرلى كادرلار الەۋمەتتىك جەلى قولدانۋشىلارىن بەيجاي قالدىرمادى. «قىزدارىڭ باقىتتى بولسىن»، «قانداي جىلى جاندار، باقىت تىلەيمىن»، «جانىم ميراس جىلاپ جاتىر، نە ىستەيسىڭ، بۇل ونىڭ تۇڭعىشى»، «ول الدىمەن كۇلدى، ءبىراق اكەسىن كورىپ، تولقىپ كەتتى»، «اكەنىڭ جۇرەگى جىلايدى»، «اكەسى قىزىن قاتتى جاقسى كورەدى»، — دەپ جازدى جەلى قولدانۋشىلارى. بۇعان دەيىن ميراس پەن كۇرالاي بەكجانوۆتاردىڭ ۇيىندە «قۇدالىق» جانە «سىرعا سالۋ» راسىمدەرى قالاي وتكەنىن ايتقان بولاتىنبىز.