يتاليا گران-پريى وسى دەمالىس كۇندەرى مونسادا وتەدى — بۇل الەم چەمپيوناتىنداعى ەڭ تاريحي الاڭ دەسە دە بولادى. مونسا فورمۋلا-1 جارىستارىن باسقا تراسسالاردان گورى ءجيى قابىلداعان: 1950 جىلعى العاشقى ماۋسىمنان بەرى تەك ءبىر جىلدى قوسپاعاندا، بارلىق گران-پري وسىندا ءوتتى. مونسا بولماعان جالعىز جىل — 1980، سوندا تراسسا قايتا جاڭارتىلىپ جاتقان ەدى.
پاتشالىق ساياباقتا ورنالاسقان، اينالاسى ورمانمەن قورشالعان بۇل تراسسانى «جىلدامدىق سوبورى» دەپ اتايدى. بۇل — Ferrari كومانداسىنىڭ رۋحاني مەكەنى جانە يتاليالىق كوماندانى جانىنداي جاقسى كورەتىن تيفوزيلەردىڭ سۇيىكتى ورنى. فورمۋلا-1ء-دى مونساسىز ەلەستەتۋ مۇمكىن ەمەس: ءدال وسىندا 76 جىل بۇرىن العاشقى الەم چەمپيونى انىقتالدى، ال بىلتىر وسى تراسسادا Red Bull كومانداسىنىڭ پيلوتى ماكس فەرستاپپەن فورمۋلا-1 تاريحىنداعى ەڭ جىلدام شەڭبەردى كورسەتتى.
جىلدار بويى مونسا شيەلەنىستى مارەلەردىڭ، Ferrariء-دىڭ جەڭىستەرىنىڭ، چەمپيوندىق اتاقتاردىڭ، داۋ-دامايلار مەن قايعىلى وقيعالاردىڭ كۋاسى بولدى. ونىڭ تاريحى — فورمۋلا-1 تاريحى. مىنە، جىلدار بويى جيناقتالعان سۋرەتتەر...