قازاقستاندىق مەرگەن الەكساندر مۇحامەدييەۆ ازيا ويىندارى-2026 اياسىندا وتكەن سكيت سايىسىنىڭ جەكە فينالىندا 19 نىسانانى كوزدەپ، التىنشى ورىنعا تۇراقتادى. بۇل تۋرالى infohub.kz سايتى حابارلادى.
فينالدا قاتار سپورتشىسى راشيد ءال-اتبا جەڭىسكە جەتتى. ول 34 نىسانانى ءدال كوزدەپ، ازيانىڭ جاڭا رەكوردىن ورناتتى. كۇمىس مەدالدى 33 نىسانامەن قىتايلىق ليۋي سزيانلين يەلەنسە، قولا جۇڭگو تايبەيىنىڭ وكىلى لي مەن-يۋانعا بۇيىردى — ول 29 نىسانانى كوزدەدى.
ەرلەر سكيتى فينالىندا جۇلدەگەرلەر مەن قازاقستاندىق مەرگەننىڭ ورنالاسۋى بىلايشا: ءبىرىنشى ورىن — راشيد ءال-اتبا (قاتار) 34 نىسانامەن، ەكىنشى — ليۋي سزيانلين (جۇڭگو) 33 نىسانامەن، ءۇشىنشى — لي مەن-يۋان (جۇڭگو تايبەيى) 29 نىسانامەن، التىنشى — الەكساندر مۇحامەدييەۆ (قازاقستان) 19 نىسانامەن.
كوماندالىق ەسەپتە قازاقستان قۇراماسى 346 ۇپاي جيناپ، ءتورتىنشى ورىنعا تۇراقتادى. بۇل قۇرامدا داۆيد پوچيۆالوۆ پەن ءارتوم سەدەلنيكوۆ تە سىنعا ءتۇستى. ءۇندىستان كومانداسىنىڭ دا ۇپايى ءدال وسىنداي بولعانىمەن، قولا جۇلدە قوسىمشا كورسەتكىشتەر بويىنشا ءۇندىستاندىقتارعا بەرىلدى.
جەكە ىرىكتەۋدە پوچيۆالوۆ 115 نىسانانى كوزدەپ، 17-ورىنعا جايعاستى، ال سەدەلنيكوۆ 112 نىسانامەن 28-ساتىدان كورىندى.
ايەلدەر سايىسىندا اسەم ورىنباي قولا مەدال جەڭىپ الدى، ال ورىنباي، زويا پيسكۋن جانە ادەل ساداكباەۆا قۇرامىنداعى قازاقستان كومانداسى كۇمىس جۇلدەگەر اتاندى.