PetroMining قاۋىمداستىعى مۇناي-گاز سالاسى كاسىپورىندارىنىڭ ۇستانىمىن ۇكىمەتكە جەتكىزە الدى. ۇكىمەت 2027 جىلدىڭ 1 قاڭتارىنان باستاپ جانار-جاعارماي ماتەريالدارىن (ججم) ساتۋعا قوسىمشا اكسيزدەردى ەنگىزبەۋگە كەلىستى. بۇعان دەيىن مولشەرلەمەلەردى قازىرگى 50%-دان 95%-عا دەيىن كوتەرۋ جوسپارلانعان ەدى، دەپ حابارلايدى infohub.kz سايتى.
قولدانىستاعى نورمالار بويىنشا مۇناي-گاز سالاسىنىڭ سۋبەكتىلەرى مۇناي ونىمدەرى قۇنىنىڭ ءوسۋ سوماسىنىڭ 50%-ىن تولەۋگە ءتيىس. مىسالى، استاناداعى كەيبىر ءىرى جقس جەلىلەرىندە قىركۇيەكتە تامىزبەن سالىستىرعاندا اي-92 بەنزينىنىڭ نەمەسە ديزەل وتىنىنىڭ ءليترى التى تەڭگەگە قىمباتتاعانىن الاتىن بولساق، وسى التى تەڭگەنىڭ ۇشەۋىن مەملەكەت اكسيز رەتىندە الىپ قالدى.
ال ۇكىمەت مۇناي ونىمدەرى قۇنىنىڭ ءوسۋ سوماسىنىڭ 95%-ىن، ياعني شارتتى تۇردە باعا 100 تەڭگەگە وسسە، سونىڭ 95 تەڭگەسىن الىپ قويماق بولدى. بۇل نارىق ويىنشىلارى ءۇشىن باعانىڭ ءوسۋىنىڭ بارلىق ءمانىن جوققا شىعارار ەدى.
«بۇعان دەيىن PetroMining قاۋىمداستىعى مۇناي ونىمدەرىن كوتەرمە جەتكىزۋشىلەر ءۇشىن قوسىمشا اكسيز مولشەرلەمەلەرىن ۇلعايتۋ ارقىلى سالىق جۇكتەمەسىنىڭ ارتۋ ءقاۋپى تۋرالى حابارلاعان بولاتىن. قازىرگى 50%-دىڭ ورنىنا الىنعان مارجانىڭ 95%-ىن الىپ قويۋ كوزدەلگەن. ۇكىمەتتىڭ № 1049 قاۋلىسىنا ەنگىزىلگەن وزگەرىستەر اعىمداعى جىلدىڭ 1 قىركۇيەگىنەن باستاپ قولدانىسقا ەنگىزىلىپ، مەرزىمسىز ارەكەت ەتەدى… ناتيجەسىندە پرەمەر-مينيستر وسى شارانىڭ 2027 جىلدىڭ باسىنان باستاپ قولدانىلۋىن توقتاتا تۇرۋ تۋرالى شەشىم قابىلدادى»، – دەلىنگەن تاراتىلعان حابارلامادا. وندا 95%-دىق قوسىمشا اكسيزدەردى ەنگىزۋ قانداي مەرزىمگە توقتاتىلعانى ناقتىلانباعان.
سالالىق قاۋىمداستىق مۇناي ونىمدەرىن كوتەرمە جەتكىزۋشىلەردەن (موكج) 95%-دى الىپ قويا وتىرىپ، قوسىمشا اكسيز مولشەرلەمەلەرىن كوتەرۋ ۇكىمەت جۇرگىزگەن ججم باعاسىن ليبەرالداندىرۋدىڭ اسەرىن ءىس جۇزىندە جوققا شىعاراتىنىن اتاپ وتكەن. بۇل ەگەمەندى مۇناي ءوندىرۋدىڭ تومەندەۋى مەن موكج-عا تۇسەتىن جوعارى الەۋمەتتىك جۇكتەمە اياسىندا ورىن الىپ وتىر.
PetroMining پىكىرىنشە، كوتەرىڭكى مولشەرلەمەنىڭ (95%) قولدانىلۋى جەر قويناۋىن پايدالانۋشىلاردىڭ ەكونوميكاسىنا ەلەۋلى زيان كەلتىرەدى.
الىپ قويۋ ورتا ەسەپپەن مىناداي بولۋى مۇمكىن ەدى:
2027 جىلى: ءبىر توننا مۇنايعا 22 027 تەڭگە،
2028 جىلى: ءبىر توننا مۇنايعا 39 675 تەڭگە.
قاۋىمداستىقتىڭ مەملەكەتتىك ورگاندارمەن بايلانىسى بارىسىندا ۇكىمەت كوتەرىڭكى اكسيز مولشەرلەمەلەرىن قولدانۋ قاۋىپتەرى تۋرالى تولىق حاباردار ەتىلدى.
PetroMining ەسەپتەۋلەرى مەن نەگىزدەمەلەرى، سونداي-اق موكج-نىڭ ۇجىمدىق ءوتىنىشى مەملەكەت باسشىسىنىڭ جانە ۇكىمەتتىڭ ەكونوميكالىق بلوگىنىڭ نازارىنا جولداندى. سونىمەن قاتار «اتامەكەن» ۇلتتىق كاسىپكەرلەر پالاتاسىمەن، «قازمۇنايگازبەن»، ەنەرگەتيكا مينيسترلىگىمەن جانە باق-پەن پىسىقتاۋ جۇمىستارى جۇرگىزىلدى.
ۇكىمەت قابىلداعان شەشىمنىڭ قورىتىندىسى بويىنشا PetroMining پرەمەر-مينيستر ولجاس بەكتەنوۆكە، «اتامەكەن» ۇكپ-عا، ەنەرگەتيكا مينيسترلىگىنە جانە قمگ-عا ماسەلەنى وبەكتيۆتى قاراعانى، جەدەل پىسىقتاعانى جانە مۇناي سەكتورى سۋبەكتىلەرىنە قاتىستى ءادىل شەشىم قابىلداعانى ءۇشىن العىس ءبىلدىردى.