جاپونيانىڭ ناگويا قالاسىنداعى «پالوما ميدزۋحو» ستاديونىندا XX جازعى ازيا ويىندارىنىڭ اشىلۋ سالتاناتى ءوتتى، دەپ حابارلايدى infohub.kz سايتى.
سالتانات قىسقا كىرىسپە بولىمنەن باستالدى: جاپونيا تۋى كوتەرىلىپ، ءانى شىرقالدى. كەيىن قاتىسۋشى ەلدەردىڭ شەرۋى ءوتتى — ارەنادا ازيانىڭ بارلىق 45 وليمپيادالىق كوميتەتىنىڭ وكىلدەرى، سونداي-اق بوسقىندار قۇراماسى دا ساپ تۇزەدى.
قازاقستان تۋىن دزيۋدوشى ەلدوس سمەتوۆ پەن ۇستەل تەننيسىنەن سارۆينوز ميركاديروۆا الىپ شىقتى.
رەسمي قۇتتىقتاۋ ءسوزىن قابىلداۋشى تاراپتىڭ وكىلى، سونداي-اق ازيا وليمپيادالىق كەڭەسىنىڭ باسشىسى شەيح دجوان بين حاماد ال تاني سويلەدى. سپورتشىلاردىڭ انتى دا وقىلدى.
ازيادا-2026 الاۋىنىڭ ەستافەتاسىن بىرنەشە اتاقتى جاپون سپورتشىسى اياقتادى. الاۋ توستاعانىن سيگەنوبۋ مەن كودزي مۋروفۋسي — اكە مەن بالا، اتاقتى بالعا لاقتىرۋشىلار جاقتى.
شوۋ-باعدارلاما اياسىندا مۋزىكالىق جانە بيشىلەردىڭ كوستيۋمدىك قويىلىمدارى ۇسىنىلدى. اشىلۋ سالتاناتى جالپى ەكى ساعاتقا سوزىلدى.
ازيادا-2026-نىڭ العاشقى مەدال كۇنى 20 قىركۇيەك بولادى. 4 قازاندى قوسا العاندا 469 مەدال جيىنتىعى ساراپقا سالىنادى.
قازاقستاندى 43 مالىمدەلگەن سپورت ءتۇرىنىڭ 35-ىندە 558 سپورتشى قورعايدى. NUR.KZ ۇلتتىق قۇراما قاتىساتىن جارىستاردىڭ كەستەسىن كۇن سايىن جاريالاپ وتىرادى.