قازاقستاننىڭ سالىق ورگاندارى مەملەكەتتىك بازالارداعى دەرەكتەردى اۆتوماتتى تۇردە سالىستىرىپ، كاسىپكەرلەرگە جاپپاي حابارلاما جىبەرە باستادى. بۇل تۋرالى Atameken Business حابارلايدى.
ەندى سالىق ورگاندارى بەيرەسمي جۇمىسپەن قامتۋدىڭ ىقتيمال بەلگىلەرىن انىقتاۋ ءۇشىن ءتۇرلى مەملەكەتتىك بازالارداعى اقپاراتتى تالدايدى. الايدا، حابارلامانىڭ ءوزى بۇزۋشىلىق انىقتالدى دەگەندى بىلدىرمەيدى. دەگەنمەن، ماماندار ونى ەلەمەۋگە كەڭەس بەرمەيدى.
«ەگەر سالىق تولەۋشىدە جۇمىس ىستەمەيتىن باقىلاۋ-كاسسالىق اپپاراتتار بولسا، ولاردى الىپ تاستاعان دۇرىس. دەسە دە، مەن كوپتەگەن نۇكتەلەردە كاسىپكەرلەردىڭ بۇل اپپاراتتاردى بەلگىلى ءبىر رەجيمدە قولداناتىنىنا كۋا بولدىم. مىسالى، كاسىپكەردە وسىنداي 9 باقىلاۋ-كاسسالىق اپپارات بولسا، ولار ءارتۇرلى وبلىستاردا تىركەلگەن، ال وزىنە بار بولعانى بىر-ەكى قىزمەتكەر جازىلسا، بۇل سۇراق تۋدىرادى»، – دەيدى سالىق كەڭەسشىسى ايدار ماساتبايەۆ.
بۇل شارالاردىڭ بارلىعى كولەڭكەلى ەكونوميكامەن كۇرەسۋگە باعىتتالعان. باقىلاۋ كۇشەيتىلگەنىنە قاراماستان، قازاقستانداعى جەكە قىزمەت كورسەتۋ نارىعى وتكەن جىلى رەسمي تۇردە 9%-دان استامعا قىسقاردى. EnergyProm ساراپشىلارىنىڭ پىكىرىنشە، ماسەلە سۇرانىستىڭ تومەندەۋىندە ەمەس، بيزنەستىڭ ءبىر بولىگىنىڭ كولەڭكەگە كەتۋىندە. «سۇر» نارىقتىڭ ۇلەسى ءبىر جىلدا ەكى ەسەدەن استام ءوسىپ، 6،9%-دان 14،5%-عا جەتتى. ساراپشىلار مۇنى جەكە كاسىپكەرلەرگە سالىق جۇكتەمەسىنىڭ ارتۋىمەن بايلانىستىرادى. ال سالىق ساراپشىلارى كاسىپكەرلەردىڭ باقىلاۋدىڭ كۇشەيۋىنەن قورقۋىن دا اتاپ وتەدى.
«ادامدار قولما-قول اقشاعا كوشۋدە، سەبەبى ءقازىر جەكە تۇلعالاردى باقىلاۋ كۇشەيتىلدى. ارينە، ءاربىر جەكە تۇلعا ءوزىنىڭ تابىس كوزدەرىن راستاي المايدى. ءيا، بۇل سيفرلاندىرۋ، اكىمشىلەندىرۋ، مۇمكىن كولەڭكەلى ەكونوميكادان شىعۋ جولى، ءبىراق بۇل قورقىتۋ رەجيمى – ادامدار سيفرلىق قۇرالداردى پايدالانۋدان قورقىپ، قولما-قول اقشامەن تولەي باستايدى. ارينە، بۇل كولەڭكەلى ەكونوميكانى ىنتالاندىرادى. كەز كەلگەن قولما-قول اقشا ءارقاشان كولەڭكەلى ەكونوميكانى ىنتالاندىرادى»، – دەپ اتاپ ءوتتى سالىق ساراپشىسى جانە زاڭگەر ەكاتەرينا كيم.