ورمەكشى، قۇمىرسقا، قارلىعاش
اتاسى ون جاسار ۇل بالاسىمەن دالادا كەلە جاتىپ، بالاسىنان سۇرادى:
— اناۋ ورمەكشىنى كورەمىسىڭ، نە ىستەپ ءجۇر؟
— كورەمىن، ورمەك توقىپ ءجۇر.
— اناۋ قۇمىرسقانى كورەمىسىڭ؟
— كورەمىن، اۋزىندا ءبىر ناننىڭ ۋالشىعى بار، جۇگىرىپ كەتىپ بارادى.
— جوعارى قارا، اسپاندا نە كورىنەدى؟
— جوعارىدا قارلىعاش ۇشىپ ءجۇر، اۋزىندا كەسە تىستەگەن ءشوبى بار.
سوندا اتاسى ايتتى:
— ولاي بولسا، شىراعىم، ول كىشكەنتاي جاندىكتەر ساعان ابىرەت1. ورمەكشى ماسا، شىبىنعا تۇزاق قۇرىپ ءجۇر، ۇستاپ العان سوڭ، وزىنە ازىق ەتۋگە. قۇمىرسقا بالا-شاعالارىنا تاماق اۋلاپ، ءبىر ناننىڭ ۋالشىعىن تاپقان سوڭ ءوزى جەمەي، اۋزىنا تىستەپ، قۋانعاننان، ۇيىنە جۇگىرىپ قايتىپ بارادى. قارلىعاش بالاپاندارىنا ۇيا ىستەۋگە ءشوپ جيىپ ءجۇر. جۇمىسسىز جۇرگەن ءبىر جان جوق. سەنى دە قۇداي-تاعالا بوس جۇرۋگە جاراتپاعان، جۇمىس ىستەۋگە ادەتتەنۋ كەرەك، — دەدى.
You Might Also Like
-
ءبىر عانا دانامەن شىعارىلعان اۆتوكولىكتەر – بۇل ءتۇرلى اۆتو-شوۋلاردا كورسەتۋ ءۇشىن قۇراستىرىلعان جوبالار عانا ەمەس. كوبىنە باي جانە اۋقاتتى ادامدار اۆتوكونسەرندەرگە تانىمال ۇلگىلەردىڭ ەكسكليۋزيۆت...
-
پەتر ۆەليكيي دەگەن وسى كۇنگى اق پاتشامىزدىڭ باباسى ءبىر كۇنى شىركەۋدە تۇرعاندا كوپ ادامنىڭ ارتقى جاعىندا ءۇڭىلىپ پاتشاعا قاراپ، بوركىمەن قالقالاپ قانا ءبىر نارسەنى سىزىپ تۇرعان بالاعا كوزى تۇسەدى. مۇن...
