قىرعىزستان، تاجىكستان جانە وزبەكستان باسشىلارى حۋدجاندتا كەزدەسىپ، مەملەكەتتىك شەكارالاردىڭ ناقتى بەلگىلەنۋىنە قاتىستى كەلىسىمگە كەلدى. سونىمەن قاتار، ءۇش ەل اراسىندا ماڭگى دوستىق تۋرالى دەكلاراسياعا قول قويىلدى.
شەكارالاردىڭ ءتۇيىسۋ نۇكتەسى – وزبەكستاننىڭ فەرعانا، قىرعىزستاننىڭ باتكەن جانە تاجىكستاننىڭ سوعدى وبلىستارىنىڭ قيىلىسىندا ورنالاسقان. بۇل ماسەلە 17 جىل بويى تالقىلانىپ، تاراپتار ورتاق مامىلەگە ەندى عانا كەلدى.
كەلىسىم اياسىندا قىرعىزستانداعى كەمپىر-اباد (انديجان) سۋ قويماسى وزبەكستانعا بەرىلدى. ءوز كەزەگىندە، تاشكەنت شەكارا ماڭىنداعى كەيبىر اۋماقتاردى قىرعىزستانعا قايتاردى. سونداي-اق، قىرعىزستان مەن تاجىكستان اراسىندا جەر الماسۋ جۇرگىزىلىپ، سۋ رەسۋرستارىن ورتاق پايدالانۋ تۋرالى ۋاعدالاستىققا قول جەتكىزىلدى.