سۇلتان سارسەماليەۆتىڭ ءىسىن قاراعان سۋديا زارەما حاميدۋللينا ونىڭ بەس كامەلەتكە تولماعان بالاسىنىڭ بولاشاق تاعدىرى تۋرالى شەشىم جاريالادى، دەپ حابارلادى infohub.kz.
سوت بالالاردىڭ قامقورشىلىعى مەن ورنالاستىرۋ ماسەلەلەرىن اتىراۋ وبلىسىنىڭ ءبىلىم بەرۋ باسقارماسىنا جۇكتەۋدى ۇيعاردى. سونداي-اق قىزىلقوعا اۋدانىنىڭ اكىمدىگىنە جانگەلدين اۋىلىنداعى قايتىس بولعانداردان قالعان ءۇيدىڭ مۇراگەرلىك قۇقىقتارىن رەسىمدەۋ تاپسىرىلدى، بۇل بالالاردىڭ م ۇلىكتىك مۇددەلەرىن قورعاۋ ءۇشىن قاجەت، — دەپ اتاپ ءوتتى سۋديا.
سۇلتان سارسەمالييەۆ بەس بالانىڭ اكەسى، ولاردىڭ كەنجەسى 2025 جىلى دۇنيەگە كەلگەن. 2026 جىلعى 3 اقپاندا اۋداندىق كامەلەتكە تولماعاندار ىستەرى جانە ولاردىڭ قۇقىقتارىن قورعاۋ جونىندەگى كوميسسيا بالالاردى مەملەكەتتىك قامقورلىققا بەرۋ تۋرالى شەشىم قابىلدادى. وعان دەيىن ولارعا سارسەماليەۆتىڭ اناسى قاراپ ءجۇردى. باستاپقىدا ءۇش ۇلكەن بالا كامەلەتكە تولماعانداردى بەيىمدەۋ ورتالىعىنا ورنالاستىرىلدى، ال ەكى كىشىسى – ءبىر جانە ءۇش جاستاعى – مامانداندىرىلعان بالالار ۇيىنە جىبەرىلدى. كەيىنىرەك ءۇش پەن توعىز جاس ارالىعىنداعى ءتورت بالانىڭ اتىراۋ كامەلەتكە تولماعانداردى بەيىمدەۋ ورتالىعىندا ەكەنى، ال ەڭ كىشى بالانىڭ مامانداندىرىلعان مەكەمەدە تاربيەلەنىپ جاتقانى بەلگىلى بولدى.