قازاقستاندا جىلدامدىق رەجيمىن بۇزۋدى اۆتوماتتى تۇردە تىركەۋ گەوگرافياسى كەڭەيىپ كەلەدى. بۇل جولى جايسان – اقتوبە – قىزىلوردا رەسپۋبليكالىق تراسساسىنىڭ ۋچاسكەسىندە ورتاشا جىلدامدىقتى باقىلاۋدىڭ جاڭا جۇيەسى ىسكە قوسىلدى، دەپ حابارلايدى infohub.kz سايتى.
اقتوبە وبلىسى پوليسيا دەپارتامەنتىندە حابارلانعانداي، ەندى ۋلعايسىن مەن قالىباي ەلدى مەكەندەرى اراسىنداعى جول ۋچاسكەسىندە كولىك قۇرالدارىنىڭ ورتاشا جىلدامدىعىن اۆتوماتتى باقىلاۋ جۇمىس ىستەيدى. بۇل KAZ06 رەسپۋبليكالىق ماڭىزى بار اۆتوجولدىڭ ءبىر بولىگى.
پوليسيادا اتاپ وتكەندەي، جاڭاشىلدىق جۇرگىزۋشىلەردىڭ ءتارتىبىن ارتتىرۋعا جانە وسى ۋچاسكەدەگى اپاتتىلىقتى ازايتۋعا باعىتتالعان. جاڭا تەحنولوگيانىڭ ءداستۇرلى كامەرالاردان باستى ايىرماشىلىعى – ول بەلگىلى ءبىر نۇكتەدەگى لەزدىك جىلدامدىقتى ەمەس، ءاۆتوموبيلدىڭ باقىلاناتىن بۇكىل ۋچاسكەنى ءجۇرىپ ءوتۋ كەزىندەگى ورتاشا جىلدامدىعىن تىركەيدى.
جۇيەنىڭ جۇمىس ءپرينسيپى كەلەسىدەي: كولىك قۇرالى ۋچاسكەگە كىرە بەرىستە جانە قايتادان شىعا بەرىستە تىركەلەدى. قاشىقتىقتى ءجۇرىپ ءوتۋ ۋاقىتى نەگىزىندە ورتاشا جىلدامدىق ەسەپتەلەدى. وسىلايشا، كامەرانىڭ ءدال الدىندا جىلدامدىقتى قىسقا ۋاقىتقا تومەندەتۋ جازادان قۇتىلۋعا كومەكتەسپەيدى: ەگەر ورتاشا جىلدامدىق بەلگىلەنگەن شەكتەن اسىپ كەتسە، بۇزۋشىلىق اۆتوماتتى تۇردە تىركەلەدى.
جىلدامدىق رەجيمىن ساقتاماعان جاعدايدا ءتيىستى ماتەريالدار اۆتوماتتى رەجيمدە قالىپتاستىرىلادى، سودان كەيىن قولدانىستاعى زاڭنامادا كوزدەلگەن اكىمشىلىك شارالار قولدانىلادى.